މ. ދިއްގަރު ގޮނޑުދޮށް ހިމާޔަތް ކުރުމުގެ މަސައްކަތް ފަށައިފިއެވެ.
މިމަސައްކަތް ކުރަނީ އެމްޓީސީސީންނެވެ. ގާތްގަނޑަކަށް 10 ހެކްޓަރުގެ ކުޑަ، މ.ދިއްގަރަކީ އާބާދީ އިތުރުވެ މުޅިން ބިން ފުރިފައިވާ ރަށެކެވެ. ޒަމާނުއްސުރެ ރަށަށް ދިމާވަމުން އައި ރަށްގިރުމުގެ މައްސަލައިގެ ސަބަބުން ބިމުގެ ޖާގަ އިތުރަށް ކުޑަވެގެން ދިޔައެވެ. ރަށުގެ ރައްޔިތުން ބުނާގޮތުން ރަށުގެ ބިމުން ސަތޭކަ ފަންސާހެއްހާ ފޫޓުގެ ސަރަޙައްދެއްވަނީ ގިރައިގެން ގޮސްފައެވެ. 1900ގެ އަހަރުތަކުން ފެށިގެންވެސް ރައްގިރުމުގެ މައްސަލައަކީ ދިއްގަރަށް ދިމާވެފައިވާ ބޮޑު މައްސަލައެކެވެ. ރަށުގެ އިރުމަތީ ފަރާތުން އެތައް ފޫޓެއް ވަނީ ގިރާފައެވެ.
މ. ދިއްގަރު ގޮނޑުދޮށް ހިމާޔަތް ކުރުމުގެ މަސައްކަތް 28 އޯގަސްޓް 2021 ވަނަ ދުވަހު ފެށިއްޖެ. މި މަޝްރޫޢަކީ 121.84 މިލިއަން ރުފިޔާގެ މަޝްރޫޢެއް.#MTCCProjects #RayyithungeKunfuni pic.twitter.com/2MxLEWN9cQ
— MTCC Plc (@MTCCPlc) August 30, 2021
މި ޕްރޮޖެކްޓްގައި ރަށުގެ ވަށައިގެން ބޮޑު ހިލައިގެ ތޮށްޓެއް ލުމަށްވަނީ ހަމަޖެހިފައެވެ. ގޮނޑުދޮށް ޙިމާޔަތްކުރުމުގެ މަސައްކަތް ކުރިއަށްގެންދާނީ ރަށް ވަށައިގެން އިތުރަށް ވެލި އެޅުމަށް ފަހުއެވެ. މިހާރު ރަށުގައި ދަނީ ވެލި އަޅަންޖެހޭ ސަރަޙައްދުތަކަށް ވެލި އެޅުމަށް ވާންޖެހޭ ތައްޔާރީތައް ވަމުންވެ.
ރަށްގިރުމުގެ ސަބަބުން ރަށުތެރެއިން 150ފޫޓުގެ ސަރަޙައްދެއްވަނީ ގިރާފައެވެ. ރަށުގައި އަލަށް ފަށާފައިވާ މަޝްރޫޢުއާއެކު ރަށަށް ދިމާވެފައިވާ އުދައެރުމާ ރަށްގިރުމުގެ މައްސަލައަށް ދާއިމީ ޙައްލެއް ލިބިގެންދާނެއެވެ.
މި މަޝްރޫޢަކީ 121.84 މިލިއަން ރުފިޔާގެ މަޝްރޫޢެކެވެ.
