ށ.ޅައިމަގުގައި ޢުމުރުން 17 އަހަރުގެ ފިރިހެން ކުއްޖަކު ރަހީނުކުރި މައްސަލާގައި ތިން މީހަކު ފުލުހުން ހައްޔަރުކޮށްފިއެވެ.
17 އަހަރުގެ ކުއްޖާ ރަހީނުކޮށްފައިވަނީ މިދިޔަ އާދީއްތަ ދުވަހުގެ ރެއެވެ، މި މައްސަލާގައި ހައްޔަރުކޮށްފައިވަނީ ޢުމުރުން 16 އަހަރުގެ ދެ ފިރިހެނުންނާއި 31 އަހަރުގެ ފިރިހެނެއްކަމަށް ފުލުހުން ބުންޏެވެ.
އެ ފިރިހެން ކުއްޖާ ރަހީނުކުރި މައްސަލާގައި ޖެންޑަރ މިނިސްޓްރީގެ ޚާއްޞަ ޓީމެއް ވަނީ އެރަށަށް ގޮސްފައެވެ. ޖެންޑާރ މިނިސްޓްރީން ވަނީ އެކުއްޖާއަށް ރައްކާތެރިކަން ކަށަވަރުކޮށްދީފައިވާކަމަށް ބުނެފައެވެ.
އެކުއްޖާ ރަހީނުކުރީ ކީއްވެކަމެއް ސާފެއްނުވެއެވެ. މިއީ ކުޑަކުއްޖަކާއ ގުޅުންހުރި މައްސަލައެއްކަމުން ކަމާގުޅުންހުރި ފަރާތްތަކުް އިތުރު ތަފްސީލް ހާމަކޮށްފައެއްނުވެއެވެ.
