މޭޔަރގެ އިތުރުން ގަލޮޅު ދާއިރާތަކަށް ނިސްބަތްވާ ކައުންސިލަރުންގެތެރެއިން ކައުންސިލަރ މުހާއްމދު ސައިފްވެސް މި ބައްދަލުވުމުގައި ރައްޔިތުންނާ މުޚާޠަބްކުރެއްވިއެވެ.

ބައްދަލުވުންތައް ތާވަލުކުރެވިފައިވާގޮތުން ދެން އެންމެ އަވަހަށް އޮންނާނީ ވިލިމާކޭގެ ބައްދަލުވުމެވެ. މި ބައްދަލުވުން އޮންނާނީ މިމަހުގެ 8 ވަނަ ދުވަހުގެރޭ 8:30 ގައި ވިލިމާލޭ ބަނދަރު ސަރަޙައްދުގައެވެ. މައްޗަންގޮޅީގެ ބައްދަލުވުން އޮންނާނީ 10 ވަނަ ދުވަހުގެރޭ 8:30 ގައި މާފަންނު ސްޓޭޑިއަމްގެ ޓާފް ދަނޑުގައެވެ. މާފަންނު ބައްދަލުވުން އޮންނާނީ 12 ވަނަ ދުވަހުގެރޭ 8:30 ގައި ރަސްފަންނު ސަރަޙައްދުގައެވެ. ހެންވޭރު ބައްދަލުވުން އޮންނާނީ 14 ވަނަ ދުވަހުގެރޭ 8:30 ގައި ލޮނުޒިޔާރަތް ޕާކްގައެވެ. ހުޅުމާލޭ ބައްދަލުވުން އޮންނާނީ 22 ވަނަ ދުވަހުގެރޭ 8:30 ގައެވެ.

ރޭގެ ބައްދަލުވުމުގައި ކައުންސިލަރުންނާ، އަންހެނުންގެތަރައްޤީއަށް މަސައްކަތްކުރާ ކޮމިޓީގެ މެމްބަރުންނާ، ސިޓީ ކައުންސިލްގެ ސެކްޝަންތަކުގެ ވެރިންނާ މުވައްޒަފުންބައިވެރިވެވަޑައިގަތެވެ. މީގެ އިތުރުން ޕްލޭން ހެދުމުގެ ދެ ތަޖުރިބާކާރުން އެ ބޭފުޅުންގެފަންނީ ލަފާ، ހިލޭ ސާބަހަށް ސިޓީ ކައުންސިލަށް ދެއްވުމުގެ އިތުރުން ބައްދަލުވުމުގައިވެސް ބައިވެރިވެވަޑައިގެންނެވިއެވެ.  2 ގަޑިއިރަށް ދެމިގެންދިޔަ މި ބައްދަލުވުން ޓީ.ވީ އިންނާއި އެފްބީއިން ލައިވްކުރިއެވެ.