ކޯވިޑް-19ގެ ޙާލަތުން އަރައިގަތުމަށް ހުރިހާ ޤައުމެއް އެއްރޫހެއްގައި މަސައްކަތްކުރުމުގައި އދ.ގެ މުހިންމު ދައުރު ފެނިގެންދާކަމަށް ރައީސުލްޖުމްހޫރިއްޔާ އިބްރާހީމް މުހައްމަދު ޞާލިޙް ވިދާޅުވެއްޖެއެވެ.
މިއަދު ފާހަގަކުރަމުންދާ އދ،ގެ އަލިމަސްޔޫބީލް މުނާސަބަތާއި ގުޅިގެން ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ކުރެއްވި ޓްވީޓެއްގައި ވަނީ އދ.އަކީ ތަފާތު ގޮންޖެހުންތަކާއެކުވެސް ދުނިޔޭގެ ޤައުމުތަކުގެ މެދުގައި ސުލްހައާއި އަމާންކަން ގެނައުމުގައި މުހިންމު ދައުރެއް އަދާކުރާ ޖަމްޢިއްޔާއެއްކަމަށެވެ. ކޯވިޑް-19 އިން އަރައިގަތުމުގައި ޤައުމުތަކުގެ މެދުގައި އެއްރޫހެއް އދ.ގެ ބައިވެރިވުމާއެކު ފެނިގެންދާކަމަށްވެސް ރައީސް ވިދާޅުވިއެވެ. އެމަނިކުފާނު ވަނީ އދ.ގެ މެންބަރު ޤައުމެއްގެ ގޮތުގައި ރާއްޖެ އޮތުމަކީ ދިވެހި ޤައުމު އެކަމާ ފަޚުރުވެރިވާކަމެއްކަމަށްވެސް ވިދާޅުވެފައެވެ.
The @UN heralded an order that prizes peace and cooperation among nations in meeting common challenges. Its role in spearheading efforts to combat COVID-19 is illustrative of this multilateral spirit. Maldives celebrates #UnitedNationsDay as a proud and active member.
— Ibrahim Mohamed Solih (@ibusolih) October 24, 2020
ދުނިޔޭގެ ޞުލްޙައާއި ބައިނަލްއަޤުވާމީގޮތުން، ޤައުމުތަކުގެ ތރައްޤީއާއި ކުރިއެރުމަށްޓަކައި ގައުމުތައް ގުޅިގެން ހަރަކާތްތެރިވުމަށް އެކުވެރި ޤައުމުތަކުގެ ޖަމާޢަތް އދ ރަސްމީގޮތުން އުފެދުނީ 24 އޮކްޓޫބަރ 1945ގައެވެ. ވޭތުވެދިޔަ 75 އަހަރު ގައުމުތަކުގެ މިނިވަންކަމާއި ސިޔާދަތާއި އިސްތިޤުލާލު ފުރިހަމައަށް ރައްކާތެރިކުރެވި ޙިމާޔަތްކުރެވިފައިވަނީވެސް އ.ދގެ ބައިނަލްއަޤުވާމީ ނިޒާމުންނެވެ.
އ..ދ.ގެ މެންބަރަކަށް ދިވެހިރާއްޖެވީ 26 ޖުލައި 1965ގައި، ރާއްޖެއަށް ޚާރިޖީީ ސިޔާސީ ފުރިހަމަ މިނިވަންކަން ލިބުމަށްފަހު 2 މަސްވެސް ނުވަނީސް 21 ސެޕްޓެމްބަރ 1965ގައެވެ.
ކޮމެންޓު ފޮނުވާ