އިސްލާމްދީނުގައި ހިތާނު ކުރުން ޝަރުއު ކުރައްވާފައިވަނީ ހަމައެކަނި ފިރިހެން ކުދިންނަށް ކަަމަށާ އަންހެން ކުދިން ހިތާނަ ކުރުމެއް ނެތް ކަމަށް ދީނީ އިލްމުވެރިޔާ އަދި ކުރީގެ ރައީސް މައުމޫން އަބްދުލްގައްޔޫމް ވިދާޅުވެއްޖެއެވެ.
ރައީސް މައުމޫން މިފަދައިން ވިދާޅުވިނަމަވެސް ސަރުކާރު ކޯލިޝަންގައި ހިމެނޭ އަދާލަތު ޕާޓީގެ އިލްމުވެރިޔާ ޝައިޚު ޑރ.މުހައްމަދު އިޔާޒު ވަނީ ރައީސް މައުމޫންގެ ވާހަތަކަށް އިންކާރު ކުރައްވާފައެވެ. ރައީސް މައުމޫން ވިދާޅުވެފައިވަނީ އިސްލާމްދީނުގައި ހިތާބު ކުރުން ޝަރުއު ކުރައްވާފައިވަނީ ހަމައެކަނި ފިރިހެން ކުދިންނަށް ކަަމަށާ އަންހެން ކުދިން ހިތާނަ ކުރުމެއް ނެތް ކަމަށެވެ. އަދި ހިތާން ކުރުމުގެ ނަމުގައި އަންހެން ކުދިންގެ ޖިންސީ ގުނަވަނަށް ގެެއްލުން ދިނުމަކީ އިސްލާމްދީނުގެ އުސޫލުތަކާއި ހިލާފު ނާތަހުޒީބު އަމަލެއް ކަމަށެވެ.
އިސްލާމްދީނުގައި ކަމެއް އޮތްކަމަށް ބުނެވޭނީ ޞައްޙަ ޝަރްޢީދަލީލަކުން އެކަން ސާބިތުވާން އޮތިއްޔާ. އަންހެންކުދިން ޚިތާންކުރުން ހުއްދަކުރާ އެފަދަދަލީލެއް ކީރިތި ޤުރްއާނުގައިވެސް ޞައްޙަ ޙަދީސެއްގައިވެސްނެތްކަމަށް މަޝްހޫރުޢިލްމުވެރިޔާ އިބްނުލްމުންޒިރު ވިދާޅުވެފައިވޭ.
– މައުމޫން ވިދާޅުވިއެވެ.
އިސްލާމްދީނުގައި ކަމެއް އޮތްކަމަށް ބުނެވޭނީ ޞައްޙަ ޝަރްޢީދަލީލަކުން އެކަން ސާބިތުވާން އޮތިއްޔާ. އަންހެންކުދިން ޚިތާންކުރުން ހުއްދަކުރާ އެފަދަދަލީލެއް ކީރިތި ޤުރްއާނުގައިވެސް ޞައްޙަ ޙަދީސެއްގައިވެސްނެތްކަމަށް މަޝްހޫރުޢިލްމުވެރިޔާ އިބްނުލްމުންޒިރު ވިދާޅުވެފައިވޭ. pic.twitter.com/qSJuPucoOZ
— Maumoon Abdul Gayoom (@maumoonagayoom) June 25, 2021
މައުމޫން މިފަދައިން ވިދާޅުވި ނަމަވެސް ޑރ.އިޔާޒު ވިދާޅުވީ އަންހެން ކުދިން ޚިތާނު ކުރުމަކީ ދީނުގައި ނެތްކަމެއްކަމަށް ބުނެ ވާހަކަ ދެއްކުމަކީ ކަނޑައެޅިގެން ދޮގެއްކަމަށެވެ. ނަމަވެސް އަންހެން ކުދިން ޚިތާނު ކުރުމަކީ ވާޖިބެއް ނޫންކަމަށްވެސް ޑރ.އިޔާޒު ވިދާޅުވިއެވެ.
އަންހެން ކުދިން ޚިތާނު ކުރުމަކީ ދީނުގައި ނެތްކަމެއްކަމަށް ބުނުމަކީ ދޮގެއް. އެއީ އޮތްކަމެއް. ނަމަވެސް ވާޖިބެއް ނޫން.
– ޑރ.އިޔާޒު ވިދާޅުވިއެވެ.
Anhen kudhin khithaanu kurumaky Dheenugai neiy kameh kamah bunumaky DHOGEH. Aee oiy kameh. Namaves VAAJIBEH noon.
Anhen kudhin khithaanu kurumaai FGM aai thafaathu.https://t.co/CaZ3u1zQ6h— Dr.Mohamed Iyaz (@dr_iyaz) June 25, 2021
އަންހެނުން ހިތާނު ކުރަން ހިތްވަރު ދޭ ކަމަށް ބުނެ، ދީނީ އިލްމުވެެރިޔާ ޑރ. މުހައްމަދު އިޔާޒް އަބްދުލްލަތީފްއާ ދެކޮޅަށް މަޖިލީހުގެ ގަލޮޅު ދެކުނު ދާއިރާގެ މެންބަރު މީކާއިލް ނަސީމް ވަނީ މައްސަލައެއްވެސް މަޖިލީހަށް ހުށައަޅާފައެވެ. ރައީސް މައުމޫނަކީ ދީނީ މިފަދަ މައްސަލަތަކުގައި އަބަދުވެސް ބަސްފުޅު ވިދާޅުވާ ބޭފުޅެކެވެ. ނަމަވެސް ދާދިފަހުން ދިވެހި ރައްޔިތުން އެންމެ ކަންބޮޑުވި އެއްމައްސަލަ ކަމުގައިވާ ނަފްރަތު ބިލާއި ގުޅޭގޮތުން މިހާތަނަށްވެސް ރައީސް މައުމޫން އެއްވެސް އެއްޗެއް ވިދާޅުވެފައި ނުވެއެވެ.
ނަފްރަތު ބިލާއި ދެކޮޅަށް ދީނީ އިލްމުވެރިންނާއި، ކައުންސިލްތަކާއި، ރާއްޖޭގެ ގިނަ ރައްޔިތުން އަޑު އުފުލި ނަމަވެސް ކޯލިޝަންގެ އެއްބައިވެރިޔާ ރައީސް މައުމޫން މިހާތަނަށް އެއްވެސް އެއްޗެއް ވިދާޅުވެފައި ނުވެއެވެ.
ކޮމެންޓު ފޮނުވާ