އަންނަ ނޮވެމްބަރު މަސްނިމޭއިރު ރާއްޖެއަށް މަދުވެގެން 18 އެއަލައިނަކުން ދަތުރުކުރާނެކަމަށް ޓޫރިޒަމް މިނިސްޓަރ ޑރ.ޢަބްދުﷲ މައުސޫމް ވިދާޅުވެއްޖެއެވެ.
ކޯވިޑް-19އަށް ފަހު ރާއްޖޭގެ ބޯޑަރުތައް ހުޅުވާލުމާއެކު މިހާރު ރާއްޖެއަށް ދަތުރުކުރަމުން އަންނަނީ 12 އެއަރލައިނަކުންނެވެ. އޭގެތެރޭގައި އެއީ އޭރޯފްލޮޓް، އެއަރ އިންޑިއާ، ބްރިޓިޝް އެއަރވޭސް، އެޑްލްވެއިސް، އެމިރޭޓްސް، އިއްތިހާދު އެއަރވޭސް، އިންޑިގޯ، ޤަތަރު އެއަރވޭސް، ސްޕައިސްޖެޓް، ސްރީލަންކަން އެއަރލައިން، ޓާކިޝް އެއަރލައިން އަދި ރާއްޖޭގެ ޤައުމީ އެއަރލައިން ހިމެނެއެވެ. މޯލްޑިވިއަނުންވެސް އަންނަނީ ބައިނަލްއަޤްވާމީ ދަތުރުތައް ބައެއް މަންޒިލްތަކަށް ކުރަމުންނެވެ.
ޓޫރިޒަމް މިނިސްޓަރ ޑރ.ޢަބްދުﷲ މައުސޫމް މިއަދު ކުރެއްވި ޓްވީޓެއްގައި ވިދާޅުވީ އަންނަ ނޮވެމްބަރު މަހު ރާއްޖެއަށް ބައިނަލްއަޤްވާމީ 18 އެއަރލައިނަކުން ދަތުރުތައް ފަށާ، ދުނިޔެއާއި ރާއްޖެ ގުޅުވާލަދޭނެކަމަށެވެ. އޭގެތެރޭގައި ނޯޑްވިންޑް، އަޒުރު އެއަރ ރަޝިއާ، ގޯއެއަރ، ޗައިނާ ސަދަން އެއަރލައިން، ފްލައި ދުބާއީ، ގަލްފް އެއަރ، ލުފްތަންސާ އަދި އޮސްޓްރިއަން ހިމެނެއެވެ.
Now 12, and by the end of Nov 2020 at least 18 #Airlines will connect Maldives to the world.
Split Stay is now allowed at ALL types of tourist accommodation facilities, with prior approval as per split stay guideline by Tourism Ministry.
Its time to #visit or #revisit #Maldives.— Abdulla Mausoom (@Mausoom_Maus) October 23, 2020
ރާއްޖެއަށް އަންނަ މަހު ދަތުރުފަށާ އެއަރލައިންތަކާއި މިމަހުގެ ފަހުކޮޅު ފަށާ ބައެއް އެއަލައިންތަކުން މިހާރު ވަނީ ޝެޑިއުލްކޮށްފައެވެ. ރާއްޖޭގެ ބޯޑަރުތައް ހުޅުވާލުމާއެކު ކުރިން ރާއްޖެއަށް ޝޭޑިއުލް ދަތުރުތައް ކުރަމުން އައި އެއަރލައިންތަކުން އަންނަނީ ދަތުރުތައް އަލުން ފަށަމުންނެވެ. އަދި ބައެއް ޤައުމުތަކުގެ ފަތުރުވެރިން ދަތުރުކުރުން އެންމެ ރައްކާތެރި މަންޒިލްތަކުގެ ތެރޭގައި ރާއްޖެ ހިމަނާފައިވެސް ވެއެވެ. އެގޮތުން އިނގިރޭސިވިލާތުން ދަތުރުކުރުން ރައްކާތެރި ޤައުމުތައް ނުވަތަ "ޓްރެވެލް ކޮރިޑޯ"ގެ ތެރެއަށް މިހާރު ރާއްޖެ ވަނީ އިތުރުކޮށްފައެވެ.
ކޮމެންޓު ފޮނުވާ