މިދިޔަ މެއި މަހު ރާއްޖެއަށް ކުރި ވިއްސާރާގައި ގެއްލުންވި ގެތަކަށް 1.4 މިލިއަން ރުފިޔާގެ އެހީތެރިކަން ފޯރުކޮށް ދިނުމަށް ސަރުކާރުން ނިންމައިފިއެވެ.
މެއި މަހު ކުރި ވިއްސާރަގައި ގެއްލުންވި 8 ރަށެއްގެ 384 ގެޔަކަށް ފައިސާގެ އިހީދިނުމަށް ނިންމަފައިވެއެވެ. ނެޝަނަލް ޑިޒާސްޓާ މެނޭޖްމަންޓް އޮތޯރިޓީ (އެންޑީއެމްއޭ)އިން ހެދި އެސެސްމަންޓުން ދައްކާ ގޮތުގައި ޒަރޫރީ ހިފައި ގެންގުޅޭ ތަކެއްޗަށް ލިބުނު ގެއްލުން 3.9 މިލިއަން ރުފިޔާއަށް އަރާއިރު، އެ ގެއްލުމަށް އެހީގެ ގޮތުގައި 794،015 ރުފިޔާ ދިނުމަށް ނިންމާފައިވެއެވެ.
ގޭގެ އިމާރާތްތަކަށް ލިބުނު ގެއްލުން 642،849 ރުފިޔާއަށް އަރާކަމަށް އެސެސްމަންޓުން ދައްކާއިރު، އެހީގެ ގޮތުގައި އެ އަދަދަށް ފައިސާގެ އެހީ ދިނުމަށް ނިންމާފައިވެއެވެ.
ފާއިތުވެދިޔަ މޭ މަހު ރާއްޖެއަށް ކުރި ވިއްސާރާގައި ގޭބިސީ ފެންވަރުގައި ބޯހިޔާވަހިކަމަށާއި، ޒަރޫރީ ބޭނުންތަކަށް ބުރޫ އަރާ މިންވަރަށް ގެއްލުންވި 8 ރަށެއްގެ 384 ގެޔަކަށް 1.4 މިލިއަން ރުފިޔާގެ އެހީތެރިކަން ފޯރުކޮށް ދިނުމަށް ހެދުނު އެސެސްމަންޓުން ވަނީ ނިންމިފައި. އިތުރު މަޢުލޫމާތު ⬇️ pic.twitter.com/YVUfKOrRoG
— NDMA Maldives (@NDMAmv) June 23, 2021
މެއި މަހު ކުރި ވިއްސާރާގައި ހއ.ދިއްދުއާއި، ކުޅުއްދުފުށި ސިޓީއާިއ އެނޫންވެސް ބައެއް ރަށްތަކަށް އުދައަރައި ގެއްލުންވިއެވެ. އަދި ހއ.ހޯރަފުށި އެއަރޕޯޓަށްވެސް ގެއްލުންވެ، އުދުހުންތައް ހުއްޓާލަންވެސް ޖެހުނެވެ.
ކޮމެންޓު ފޮނުވާ