ހުޅުމާލެ މެޑިކަލް ފެސިލިޓީގައި މަސައްކަތްކުރަމުން އަންނަ، އަދި މީގެކުރިން މަސައްކަތްކޮށްފައިވާ ވޮލަންޓިއަރުންނަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ޝުކުރު އަދާކުރައްވައިފިއެވެ.
ރައީސުލްޖުމްހޫރިއްޔާ ކުރެއްވި ޓްވީޓްގައި ވަނީ، ކޯވިޑްގެ އެންމެ ދަތި އުނދަގޫ ހާލަތުގައިވެސް ވޮލެންޓިއަރުން ހިތްވަރާއެކު ބުރަ މަސައްކަތެއް ކުރައްވާފައިވާކަމަށެވެ. ރައީސް ވިދާޅުވީ، ވޮލަންޓިއަރުގެ ހިތްވަރުން ކޯވިޑުން އަރައިގަނެވެމުން އަންނަކަމަށާއި، އެމީހުންގެ މަސައްކަތުގެ އަގުވަޒަން މުޅިޤައުމަށްވެސް ނުކުރެވޭނެކަމަށެވެ.
A sincere thank you to all who volunteered at the Hulhumalé Covid facility, and helped with the Government's health response during an exceptionally difficult phase of the pandemic. As we look to brighter days ahead, the whole nation owes you a debt of gratitude.
— Ibrahim Mohamed Solih (@ibusolih) June 18, 2021
ކޯވިޑް-19ގައި ރާއްޖެ އޮތް ނާޒުކު ފައްތަރުން އަރައިގަތުމަށް ސިއްޙީ އެހީތެރިން އިންތިހާއަށް ބޭނުންވުމާއެކު އެކަމަށް ގިނަ ބަޔަކު ކުރިމަތިލިޔެއވެ. އެގޮތުން ހާހަކަށްވުރެ ގިނަ މީހުން ކުރިމަތިލީއިރު ރާއްޖޭގައި ކޯވިޑްގެ ޙަލަތު އޮތީ ނުރައްކާވެފައެވެ. އެގޮތުން މިދިޔަ މަހު ކޮންމެ ދުވަހަކުވެސް 1000އަށް ވުރެ ގިނަ މީހުން ޕޮޒިޓިވްމަުންގޮސް އެކްޓިވް ކޭސްތަކުގެ ޢަދަދު 24،000އަށްވުރެ މައްޗަށްވެސް އަރައިގެން ދިޔައެވެ. މިއާއެކު ސިއްޙީ ޚިދުމަތްތެރިންނަށް ބުރަ ބޮޑުވެ ގިނަ ޢަދަދެއގެ ވޮލަންޓިއަރުން މަސައކްަތްކޮށްދީފައިވެއެވެ.
ރާއްޖޭގައި މިހާރު ވަނީ ކޯވިޑްގެ ޙާލަތު އަނެއްކާވެސް ރަނގަޅުވާން ފަށާފައެވެ. އެގޮތުން ކޯވިޑަށް ޕޮޒިޓިވްވާ މީހުންގެ ޢަދަދު ވަނީ 200އަށް ދަށްވެފައެވެ. އަދި މާލެ ސަރަހައްދުން ޕޮޒިޓިވްވާ ޢަދަދު ވަނީ 100އިން ދަށަށް ޖެހިލާފައެވެ. ރާއްޖޭގައި މިވަގުތު ކޯވިޑް ބަލިމީހުންގެ ގޮތުގައި ތިބީ6،930 މީހުންނެވެ.
ކޮމެންޓު ފޮނުވާ