އެސްޓީއޯގެ ތެޔޮބޯޓު އެމްވީ އަލިހުރަސް ގދ. ފަރެސްމާތޮޑާ ކައިރިން ދަތުރުކުރަމުން ދަނިކޮށް ދިޔަވާކަމުގެ މަޢުލޫމާތު ލިބިގެން އެމްއެންޑީއެފް ކޯސްޓްގާޑުގެ ޑައިވަރުންގެ އެހީއާއެކު ދިޔަވުން ކޮންޓްރޯލް ކޮށްފި އެވެ.
އެމްއެންޑީއެފުން ބުނީ މި ހާދިސާގެ މަޢުލޫމާތު ލިބިފައި ވަނީ މިއަދު މެންދުރުފަހު 15:10 ހާއިރުކަމަށެވެ. އަދި އެމްއެންޑީއެފްގެ ސަދަން އޭރިއާގެ ކޯސްޓްގާޑް ސްކޮޑްރަންގެ ޑައިވަރުންގެ އެހީތެރިކަމާއެކު ބޯޓު ދިޔަވުން ކޮންޓްރޯލްކޮށް އިތުރުރު ގެއްލުމެއް ބޯޓަށް ލިބިފައި ވޭތޯ ބަލަމުންގެންދާކަމަށް އެމްއެންޑީއެފުން ބުނެއެވެ.
4.5 million liters theyo barukohgen dhathurukuri STO ge theyo boat "MV. Alihuras" Gdh.Faresmaathoda kairin dhiyavaa kamuge report libigen MNDF Southern Area CG Squadron ge diverun eheetherikan foarukohdheyn fashaifi. Mi haadhisaage report libifaivanee miadhu 15:10 haairu pic.twitter.com/IwEky93R32
— Maldives National Defence Force (@MNDF_Official) June 17, 2021
އެމްއެންޑީއެފުން ބުނީ މި ހާދިސާގެ މައުލޫމާތު ލިބުނު އިރު ބޯޓު ދަތުރުކުރަމުންދަނީ 4.5 މިލިއަން ލިޓަރުގެ ތެޔޮބަރުކޮށްގެން ކަމަށެވެ. އަދި ބޯޓުގައި އެވަގުތު 17 ދިވެހިން ތިބިކަމަށްވެސް އެމްއެންޑީއެފުން މަޢުލޫމާތު ދެއެވެ.
ކޯސްޓްގާޑްގެ ޑައިވަރުންގެ މަސައްކަތުން، މި ބޯޓުގެ ހަލް އިން ދިޔަވާ ސަރަހައްދު މިހާރު ދެނެގަނެވިފައި ވާކަމަށް އެމްއެންޑީއެފުން ބުނެއެވެ.
ކޮމެންޓު ފޮނުވާ