އިސްރާއީލުން ރާއްޖެއަށް ސީދާ ދަތުރުތައް ފެށުމަށް ތައްޔާރުވެއްޖެއެވެ.
އިސްރާޢީލުގެ ޓްރެވެލް އެޖެންސީއަކާއި ހަވާލާދީ އެޤައުމުގެ މީޑިއާ ރިޕޯޓްތައް ބުނާގޮތުގައި ސެޕްޓެމްބަރު މަހުގެ 6 އިން ފެށިގެން ކޮންމެ ހަފްތާއެއްގެ ހޯމަ ދުވަހު އިސްރާއީލުން ރާއްޖެއަށް ސީދާ ދަތުރުތައް ފެށުމަށް ވަނީ ތައްޔާރުވެފައެވެ. އެ ދަތުރު ޓިކެޓް އަގަކީ 995 ޑޮލަރުކަމަށްވެސް ރިޕޯޓްކޮށްފައިވެއެވެ.
އިސްރާއީލުން ރާއްޖެއަށް ސީދާ ދަތުރުތައް ކުރުމަށް ހަމަޖެހިފައިވަނީ ސީޝެލްގެ ޤައުމީ އެއަރލައިން އެއަރ ސީޝެލްސް މެދުވެރިކޮށްކަމަށްވެސް ބުނެފައިވެއެވެ. އިސްރާއީލުން ރާއްޖެއަށް ސީދާ ދަތުރުކުރިނަމަވެސް، ރާއްޖެއިން އެނބުރި އިސްރާއީލަށް ދާނީ ސެޝެލްސްގައި އެއްގަޑިއިރަށް ޓްރާންސިޓްކޮށްފައެވެ. އަދި ރާއްޖެއާއި އިސްރާއީލާ ދެމެދުގެ ދަތުރުގެ ދިގުމިނަކީ 8 ގަޑިއިރާއި 30 މިނެޓްކަމަށްވެސް އެޤައުމުގެ މީޑިއާ ރިޕޯޓްކޮށްފައިވެއެވެ.
އިސްރާއީލުން ރާއްޖެއަށް ސީދާ ދަތުރުތައް ފެށުމަށް ތައްޔާރުވެފައިވާއިރު، ފަލަސްތީނު މައްސަލާގައި މިސަރުކާރުން ވަނީ އިސްރާއީލާއެކު އޮތް ހުރިހާ ގުޅުމެއް ކަނޑާލާފައިވާކަމަށް ބުނެފައެވެ.
ކޮމެންޓު ފޮނުވާ