މާލެ ސަރަހައްދުގެ ކަރަންޓްގެ މައްސަލައަށް އޮތް ޙައްލަކީ މީގެ ކުރިން ފަށާފައިވާ މަޝްރޫޢުތައް އަވަހަށް ނިންމާލުންކަމަށް ކުރީގެ ހައުސިންގ މިނިސްޓަރ ޑރ.މުޙައްމަދު މުޢިއްޒު ވިދާޅުވެއްޖެއެވެ.
މިއަދު ހެނދުނު މާލޭގެ ބޮޑު ސަރަޙައްދަކުން ކަރަންޓް ކެނޑުމާއި ގުޅިގެން މާލެ ސިޓީގެ މޭޔަރުކަމަށްވެސް ވާދަކުރައްވާ ޕީޕީއެމްގެ ނާއިބު ރައީސް ޑރ.މުޙައްމަދު މުޢިއްޒު ވިދާޅުވީ، މާލޭގެ ކަރަންޓްގެ މައްސަލައަށް އޮތް ދާއިމީ ޙައްލަކީ ބްރިޖު ހުރަސްކޮށް މާލެއާއި ހުޅުމާލޭގެ ކަރަންޓް ވިއުގަ ގުޅުވާލުމަށް މީގެ ތިން އަހަރުކުރިން ފަށާފައިވާ މަޝްރޫޢު އަވަހަށް ނިންމާލުންކަމަށެވެ. އަދި މާލޭ އިންޑަސްޓްރިއަލް ވިލެޖުން 2018 ވަނަ އަހަރު ސްޓެލްކޯއަށް ދޫކޮށްފައިވާ ބިމުގައި އިންޖީުގެއެއް ވީހާވެސް އަވަހަށް ޤާއިމްކުރުންކަމަށްވެސް ކުރީގެ ހައުސިންގ މިނިސްޓަރ ޑރ.މުޢިއްޒު ވިދާޅުވިއެވެ.
Bridge huraskoh Male aa Hulhumale power grid gulhaalumah meege 3 aharu kurin fattaafaivaa mashroou avahah nimmumaai, Male Industrial Village in STELCO ah 2018 gai dheefaivaa bimugai gaaimkuran havaalukuri powerhouse gaaimkurumakee Male ge current ge massalaige dhaaimee hallu.
— Dr Mohamed Muizzu (@MMuizzu) October 23, 2020
ގްރޭޓަރ މާލެ ސަރަހައްދުގެ ކަރަންޓް ވިއުގަ ބްރިޖު ހުރަސްކޮށް ގުޅުވާލުމުގެ މަޝްރޫޢުއަކީ ކުރީ ސަރުކާރުގައި ޑރ.މުޢިއްޒު އިސްކޮށް ހުންނަވައިގެން ފަށްޓަވާފައިވާ މަޝްރޫޢު އެކެވެ.
މާލެއާއި ހުޅުމާލޭގެ ކަރަންޓުގެ ވިއުގަ ގުޅާލުމުގެ މަސައްކަތް އަންނަ އަހަރުގެ ކުރީކޮޅު ނިންމާލެވޭނެ ކަމަށް ސްޓެލްކޯއިން ވަނީ ބުނެފައެވެ. މާލެ-ހުޅުލެ-ހުޅުމާލޭގެ ކަރަންޓު އެއް ވިއުގައަކުން ގުޅާލުމުގެ މަސައްކަތަކީ ގްރޭޓަރ މާލެ ސަރަހައްދުގެ ހަކަތައިގެ ރައްކާތެެރިކަން އިތުރުކުރުމަަށް ކުރިއަށްގެންދާ މަޝްރޫޢުއެކެވެ. ފިޔަވަހިތަކަށް ކުރިއަށްގެންދާ މިމަޝްރޫޢުގައި މިހާރު އެންމެ މުހިންމު މަސައްކަތެއްގެ ގޮތުގައި ކުރިއަށްދަނީ މާލެ ހުޅުމާލެ އަދި ހުޅުލޭގައި ޓްރާންސްފޯމަރުތައް ބެހެއްޓުމުގެ މަސައްކަތެވެ.
ކޮމެންޓު ފޮނުވާ