އީވާން ނަސީމްގެ މަރުގެ ޙާދިސާއާއި ގުޅިގެން ކުރީގެ ރައީސް މައުމޫން ޢަބްދުލްްޤައްޔޫމްގެ އިސްތަށިފުޅުގައި އަޅުވާ ތުހުމަތުތައް އެމްޑީޕީގެ ސަރުކާރުގައި ޤާނޫނީ އިމުގެތެރެއިން ނުބައްލަވަނީ ކީއްވެގެންތޯ ވިދާޅުވެ ރައީސް މައުމޫންގެ ދަރިކަލުން ގައްސާން މައުމޫން ސުވާލުއުފައްދައިފިއެވެ.
މިއަދު ފާހަގަކުރަމުންދާ ޒުވާނުންގެ ދުވަހާއިގުޅިގެން ގުރައިދޫ ދާއިރާގެ މެންބަރު އަދި ރައީސް މައުމޫންގެ ދަރިކަލުން ގައްސާން މައުމޫން ވަނީ ޒުވާނުންނަށް ރައްކާތެރިކަން ދިނުމުގައި މިސަރުކާރު ފެއިލްވެފައިވާކަމަށް ވިދާޅުވެ ޓްވީޓް ކުރައްވާފައެވެ.
The GoM failed to safeguard the identity of a whistleblowing youth, contrary to their rights, protected under the Whistleblower Protection Act. Is this the message for our aspiring youth, on National Youth Day? Will those responsible be reprimanded? #WalkTheTalk #SelectiveJustice
— Mohamed Ghassan Maumoon (@mgmaumoon) October 22, 2020
ގައްސާންގެ މި ޓްވީޓަށް ރައްދުދެއްވާ ހެންވޭރު ދެކުނުދާއިރާގެ މެންބަރު ޙުސައިން ޝަމީމް (އަދުން ޙުސައިން) ވަނީ އީވާން ނަސީމްގެ ފޮޓޯތަކާއެކު ރައީސް މައުމޫނަށް ކުރައްވާ ތުހުމަތުތައް ތަކުރާރު ކުރައްވާފައެވެ. އެގޮތުން ރައީސް މައުމޫންގެ ޒަޢާމަތުގައި އީވާން ނަސީމް ގަަޔަށް ބަޑިޖަހައި މަރާލިކަމަށް ވިދާޅުވެ އެފޮޓޯތަށް ބެއްލެވުމަށް އޭނަ ވަނީ ގައްސާނަށް ދަންނަވާފައެވެ.
އަދުން ޙުސައިންގެ އެވާހަކަފުޅަށް ރައްދުދެއްވާ ގައްސާން މައުމޫން ވަނީ މިއީ އެމްޑީޕީން ވެރިކަން ކުރާ ދެވަނަ ފަހަރުކަމަށާއި، ޑިމޮކްރަސީއަށާއި އިންސާނީ ހައްގުތަކަށް ވަކާލުކުރާ ޕާޓީއެއްކަމަށް އެމްޑީޕީން ބުނާއިރު އީވާން ނަސީމްގެ މަރުގެ މައްސަލައާއި އެކަމުގައި ހިނގައިދިޔަ ހަމަނުޖެހުންތައް އެމްޑީޕީ ސަރުކާރުން ނުބަލަނީ ކީއްވެގެންތޯ ސުވާލުއުފައްދާފައެވެ. އަދި ރައީސް މައުމޫންގެ އޯޑަރަށް ކުރެއްވި ކަމެއްކަމަށް ތުހުމަތު ކުރައްވާނަމަ ޤާނޫނީ އިމުގެ ތެރެއިން އެމައްސަލަ ބެއްލެވުމަށްވެސް ގައްސާން މައުމޫން ވަނީ ގޮވާލައްވާފައެވެ.
Lies! This is the second time the MDP is in power. Self proclaimed champions of democracy and human rights. If there is an ounce of truth to your claim, why does your party or government not pursue legal avenues? @AndhunHussain @maumoonagayoom @HuShameem @ibriffath https://t.co/SJQUKpeI7U
— Mohamed Ghassan Maumoon (@mgmaumoon) October 22, 2020
ސެޕްޓެމްބަރު 19، 2003 ގައި ސިފައިންގެ އަނިޔާތަކުގައި އީވާން މަރުވެގެންދިޔަ ހާދިސާއާ ގުޅިގެން ޖެހިގެން އައި ހޮނިހިރު ދުވަހު މާފުށީ ޖަލުގައި ކުށްވެރިންނާއި ސިފައިންނާ ދެމެދު ހިނގި ހަމަނުޖެހުމުގައި ބަޑި ޖެހުމާ ގުޅިގެން ތިން މީހަކު މަރުވި އެވެ. އެއީ މ. ބިންއުނިމާގޭ އަބްދުﷲ އަމީނާއި ގއ. ވިލިނގިލީ ޖަނަވަރީމާގޭ އަހްމަދު ޝިޔާޒާއި ޅ. ނައިފަރު ސިނަމާގޭ އަލީ އަސްލަމެވެ. އަދި 16 މީހުންނަށް އަނިޔާވެފައިވެ އެވެ. 2003 ވަނަ އަހަރު ޖަލުގައި ހިނގައިދިޔަ ލާއިންސާނީ އަމަލުތަކާއި ގުޅޭގޮތުން އެމްޑީޕީން ބުނަމުންދަނީ އެ ދުވަހުގެ އެ ހާދިސާގެ ހަގީގަތް އަދިވެސް އެނގޭނެ ގޮތެއް ނެތް ކަމަށެވެ.
ކޮމެންޓު ފޮނުވާ