ނީލަމް ކޮޓާރީ އާއި ގޯވިންދާ އެކުގައި ފެނިގެންދިޔަ ސުޕާޑާންސާގެ ޚާއްސަ އެޕިސޯޑަކީ ބެލުންތެރިން އެންމެ އިންތިޒާރުކުރިއެއް އެޕިސޯޑެވެ.
އީޓީ ޓައިމްސް ޓީވީ އާއި ވާހަކަ ދައްކަމުން ނީލަމް ބުނެފައިވަނީ ގޯވިންދާއި ދެމީހުން ދިމާވެފައި މިވަނީ ވަރަށް ގިނަ ދުވަސް ފަހުން ކަމަށެވެ.
"އަހަރެމެން ދެމީހުން އެކުގައި ވަރަށް ގިނަ ފިލްމު ކުޅެފައިވީ ނަމަވެސް އަހަރެން ދެމީހުންގެ "ޖޯޑު" އަކީ ބެލުންތެރިންނަށް އެހާ ކަމުދިޔަ ޖޯޑެއެއް ކަމެއް ނޭނގޭ. މިހެން އުޅޭ އިރު ދިމާވޭ. އަހަރެމެން ދެމީހުންގެ އެެއްވެސް އާންމު ރައްޓެހިންނެއް ނުތިބޭ އެހެން ކަމުން ދިމާވެ ނޫޅެން. އަހަރުތަކެއް ފަހުން ދިމާވީމަ ވަރަށް އުފާވި"
– ނީލަމް
މި އެޕިސޯޑުގައި ބައިވެރިވުމަށް ގުޅުމުން އެންމެ ފުރަތަަމަ ހުރީ ދެ ޚިޔާލެއްގައި ކަމަށް ނީލަމް ވަނީ ބުނެފައެވެ. އެއީ މި ދުވަސް ކޮޅުގެ ސަބަބުން އެހާ ރައްކާތެރި ކަމަކަށް ނުވާތީ ކަމަށްވެސް ނީލަމް ވަނީ ބުނެފައެވެ. އެހެންނަމަވެސް އޭނާ އެ ޝޯވގައި ބައިވެރިވީ އޭނާގެ ފިރިމީހާގެ އެދުމުގެ މަތިން ކަމަށެވެ.
ޝޯވގެ ތެރެއިން ނީލަމްގެ ފިރިމީހާ ސަމީރް ސޯނީ އާއި ދަރިފުޅުގެ ހާއްސަ ވީޑިިއޯ ކްލިޕެއްވެސް ސަޕްރައިޒެއްގެ ގޮތުގައި ވަނީ ދައްކާލާފަ އެވެ.
View this post on Instagram
ޝޯއަށް އައި އިރު ޝޯގައި ގޯވިންދާ ބައިވެރި ވާނެ ކަމެއް ނޭނގޭ ކަމަށް ވެސް އޭނާ ވަނީ ބުނެފައެވެ. އަދި މިކަން އެނގިފައިވަނީ ޝޯފެށުމުގެ ކުރިން ކަމަށާއި މިކަން އެނގުމުން ޝޯ ގެ އެޕިސޯޑު އިތުރަށް ފުރިހަމަވެގެން ދާނެ ކަން އެނގުނު ކަމަށްވެސް ނީލަމް ވަނީ ބުނެފައެވެ.
މި އެޕިސޯޑަށް ބެލުންތެިންގެ ފަރާތުން ލިބުނު ތަރުހީބަށް ޝުކުރުވެރިވާކަމަށް ވެސް ނީލަމް ވަނީ މި އިންޓަވިއުގައި ބުނެފަވެ.
