ޓީވީ އެކްޓަރ ކަރަން މެހެރާއަކީ އިންޑިއާގެ އެންމެ ގިނަ ދުވަހު ކުރިޔަށްދިޔަ ޓީވީ ސީރީޒްގައި ބައްޕަ އެއް އަދި ނަމޫނާ ފިރިއެއްގެ ރޯލު އަދާކުރި ފަންނާނެކެވެ. އޭނާގެ މައްޗަށް ވަނީ އޭނާގެ އަންހެނުން ނިޝާ ރަވަލްއަށް ގެވެށި އަނިޔާ ކުރިކަމުގެ ތުހުމަތު ކޮށްފަ އެވެ.
ނިޝާއަކީ ވެސް ކަރަންއެކޭ އެެއްފަދައިން ޓީވީ އެކްޓަރެކެވެ. އެގޮތުން ނިޝާ ބުނެފައިވަނީ ދެމަފިރިންގެ ދެމެދުގައި ޖެހުނު މައްސަލައެއްގައި ޒުވާބު ކުރުމަށްފަހު ކަރަންވަނީ އޭނާއަށް އަނިޔާ ކޮށްފައެވެ. "ޔެ ރިޝްތާ ކިޔާ ކެހެލާތާ ހޭ" އިން ފެނިގެންދިޔަ ކަރަން ވަނީ ހައްޔަރު ކުރުމަށްފަހު ކުޑަ ވަގުތުކޮޅެއްގެ ތެރޭގައި ބެއިލް ކޮށްފައެވެ. މިހާދިސާ ހިނގާފައިވަނީ 31 މެއި 2021ގައެވެ.
މި މައްސަލައާއި ގުޅިގެން ވާހަކަ ދައްކަމުން ނިޝާ ބުނެފައިވަނީ އޭނާ މި ވާހަކަ ސިއްރުކޮށްގެން އުޅޭތާ ވަރަށް ގިނަ އަހަރުތަކެއް ވެދާނެ ކަމަށެވެ. އޭނާ މިގޮތަށް ކަންތައް ކޮށްފައިވަނީ އޭނާއަށް ކަަރަން އަކީ އެކްޓަރެއް ކަން އެނގޭތީ ކަމަށާއި އަދި ކަރަންގެ ކެރިއަރަށް ގެއްލުމެއްދޭން ބޭނުން ނުވާތީ ކަމަށްވެސް ނިޝާ ވަނީ ބުނެފައެވެ.
ނަމަވެސް މިއީ ކަރަންގެ ނާޖާއިޒު ގުޅުމާއި، އޭނާގެ ދަރިފުޅުގެ ޒިންމާ ނުނެގުމާއި އަހަރުތަކުގެ ގެވެށި އަނިޔާގެ ސަބަބުން ޖައްސާފައިވާ މައްސަލައެއް ކަމަށާއި އޭނާގެ ވާހަކަތަކުގެ ހެކި އެބަހުރި ކަމަށް ވެސް ނިޝާވަނީ ބުނެފައެވެ. އޭނާ ހުރިހާ ކަމަކަށް ކެއްކޮށްގެން ހުރީ އެެދެމީހުންގެ ދަރިފުޅަށްޓަކައި ކަަމަށާއި ބައެއް ފަހަރަށް އޭނާއަށް އޭނާގެ ގަހަނާ ވެސް ވިއްކަންޖެހޭ ހާލަތު ވެސް އަންނަ ކަމަށް ނިޝާ ވަނީ ބުނެފައެވެ.
View this post on Instagram
މިހުރިހާ އިލްްޒާމެއް ކަރަން ވަނީ ދޮގުކޮށްފަ އެވެ. އޭނާ ބުނެފައިވަނީ ނިޝާއަށް ބޭވާފާ ނުވާ ކަމަށާއި އަދި އަނިޔާ ވެސް ކޮށްފައިނުވާ ކަމަށެވެ. އޭގެ ބަދަލުގައި ނިޝާގެ ފުށުން ކަރަންއަށް ގެވެށި އަނިޔާ ލިބިފައި ވާކަމަށް އޭނާ ތުހުމަތު ކުރެއެވެ. އެގޮތުން ނިޝާ ރުޅި އަންނަ ކޮންމެ ފަހަރު ހަރަކާތްކުރަނީ އަތްފައި ކަމަށާއި ގޭގައި ހުންނަ ތަކެއްޗަށްވެސް ގެއްލުން ދޭ ކަމަށް ކަރަން ވަނީ ބުނެފައެވެ.
ކަރަން އާއި ނިޝާ އެންމެ ފުރަތަމަ ދިމާވެފައިވަނީ 2008 ވަނަ އަހަރުގައި ބޮލީވުޑްގެ ފިލްމު "ހަސްތޭ ހަސްތޭ" އިންނެވެ. މި ދެމީހުންނަނަށް ވެސް ވެވުނީ ފުރަތަމަ ނަޒަރުން ވެސް ލޯތްބެވެ.
ރައްޓެހިންގެ ގޮތުގައި ދުވަސްތަކެއް އުޅުމަށްފަހު މި ދެމީހުންވަނީ ލޯބީގެ ގޮތުން ގުޅިފައެވެ. އަދި މީގެ އަހަރުތަކެއް ފަހުން ވަނީ ކައިވެނި ކޮށްފައެވެ. އެއީ 24 ނޮވެމްބަރު 2012 ގައެވެ. އަދި އޭގެ ފަސް އަހަރުފަހުން މި ދެމީހުންނަށް ވަނީ ފިރިހެން ކުއްޖެއް ލިބިފައެވެ. މިހާރު ކަވިޝްއަށް ހަތަރު އަހަރެވެ.
ކަރަން އާއި ނިޝާ ވަކިވާން އުޅޭ ޚަބަރުތަކެއް ވެސް މޭ މަހު ވަނީ ފެތުރިފަ އެވެ. ނަމަވެސް އެފަހަރު އެ ޚަބަރުތައް ދެމީހުންވެސް ދޮގުކުރިއެވެ.
