އަނޫރާގް ކޭޝަޕް އާއި އެކުގައި ދެން މަސައްކަތް ނުރުކުރާނެ ކަމަށް ރާމް ގޯޕާލް ވަރްމާ ބުނެފިއެވެ.
ކުރިން ރާމް ގޯޕާލާއި އަނޫރަގް ވަނީ އެކުގަައި މަސައްކަތް ކޮށްފައެވެ. އެގޮތުން އަނޫރާގް ބޮލީވުޑަށް ތައާރަފްވި ކްރައިމް ޑްރާމާ "ސަތުޔާ" ފާހަގަ ކޮށްލެވެ އެވެ.
އިންޓަވިއުއެއްގައި ވާހަކަ ދައްކަމުން ރާމް ގޯޕާލް ބުނެފައިވަނީ އަނޫރާގްގެ އަމިއްލަ ކެރިއަރއެއް މިހާރު އެބައޮތްކަމަށާއި، އޭނާ އަކީ އަމިއްލައަށް ލިޔެ ޑައިރެކްޓްވެސް ކުރާ މީހެއްކަމަށެވެ.
މީގެ އިތުރުން އަނޫރާގާއި އޭނާއާ ދެމެދު އެއްވެސް މައްސަލައެއް ޖެހިފައި ނެތްކަމަށާއި އެހެންނަމަވެސް ދެމީހުން އެކުގައި މަސައްކަތް ކުރަންވީ ސަބަބެއް ނެތްކަމަށެވެ.
މީގެ އަށް އަހަރު ކުރިން ޒޫމް އަށް ދިން އިންޓަވިއުއެއްގައި ވާހަކަ ދައްކަމުން އަނޫރާގް ބުނެފައިވަނީ އޭނާ ދެކޭ ގޮތުގައި ރާމް އަކީ ފިލްމު އިންޑަސްޓްރީއަށް އެންމެ ގިނަ މަސައްކަތް ކޮށްދިން ފަރާތް ކަމަށެވެ.
