މިއުޒިކަލް އަދި ލޯބީގެ ފިލްމުތައް ބަލާހިތްވާނަމަ ބޮލީވުޑަކީ އެންމެ ރަނގަޅު ޕްލެޓްފޯމެވެ. ބޮލީވުޑަކީ ދުނިޔޭގެ އެންމެ ބޮޑު ފިލްމީ އިންޑަސްޓްރީވެސްމެ އެވެ. އެގޮތުން ބޮލީވުޑްގެ އުފެއްދުންތަކާއި ތަރިންނަކީ މުޅި ދުނިޔެއަށް މަޝްހޫރު ތަކެއްޗެވެ.

މި ފަހަރު މި ބަލަައިލަނީ ނެޓްފްލިކްސް އިން ބަލާލެވެންހުރި ކަމުދާނެ ބޮލީވުޑް ބައެއް ފިލްމުތަކަށެވެ.

1. ކުޗް ކުޗް ހޯތާހޭ (1998)
ޕްލޮޓް: އަންޖަލީ އަދި ރޯހަން އަކީ އެންމެ ގާތް ދެ އެކުވެރިންނެވެ. މި ދެމީހުންގެ ކޮލެޖުގެ ފަހު އަހަރުގެ ޓީނާ އާދެއެވެ. އަންޖަލީ ރާހުލް ދެކެ ލޯބިވާން ފަށައެވެ. އެހެންނަމަ ވެސް ރާހުލް ލޯބިވާނީ ޓީނާ ދެކެއެވެ. ރާހުލް އަށް ޓީނާ ކަމުދިޔައީ އަންޖަލީ އާއި ޚިލާފަށް ޓީނާ އަންހެން ކުދިން އުޅޭހެން އުޅޭތީވެއެވެ. އަހަރުތަކެއް ފަހުން ޓީނާ މަރުވެއެވެ. އަދި ރާހުލްގެ 08 އަހަރުގެ އަންހެން ދަރިފުޅު "އަންޖިލީ" މަސައްކަތް ކުރާނީ އޭނާގެ ބައްޕައަށް ބައްޕަގެ "ފަސްޓް ލަވް" ކާމިޔާބު ކޮށްދިނުމަށެވެ.

މި ސުޕަރ ހިޓްގެ ލީޑުން ފެނިގެން ދަނީ ޝާހްރުކް ޚާނާއި ކާޖަލްގެ އިތުރުން ރާނީ މުކަރްޖީއެވެ.

2. ކަބީ ޚުޝީ ކަބީ ގަމް (2001)
ޕްލޮޓް: ޔަޝް އަކީ މުއްސަދި ވިޔަފާރިވެރިއެކެވެ. އަދި އޭނާ ރާހުލް ނަމަކަށް ކިޔާ ފިރިހެން ކުއްޖެއް އެޑޮޕްޓު ކުރެއެވެ. އޭނާގެ އުއްމީދަކީ ރާހުލް އޭނާގެ ފިޔަވަޅު މަތިން ހިނގުމެވެ. އޭނާއަށް ފަހުން ރޯހަން ކިޔާ ދަރިއެއް ވެސް ލިބެއެވެ. މައްސަލަ އުފެދެން ފެށީ ރާހުލްއަށް، ފަގީރު އަވަށަކަށްނިސްބަތްވާ އަންޖަލީ ދެކެ ލޯބިވެވުމުންނެވެ. މި ދެމީހުންގެ ގުޅުމަށް ޔަޝް އިންކާރު ކުރުމުންވެސް މި ދެމީހުން ކައިވެނި ކުރެއެވެ. އަދި ދިރިއުޅުން ލަންޑަނަށް ބަދަލު ކުރެއެވެ. އަދި ވަކިވެފައިވާ އާއިލާ އަލުން ގުޅުވަން ރޯހަން މަސައްކަތް ކުރެއެވެ.

ބޮޑު ކާސްޓެއް ހިމެނޭ މި ފިލްމަކީ ބެލުންތެރިންގެ މެދުގައި މަގުބޫލު ފިލްމެކެވެ. މި ފިލްމުން އަމީތާބް ބައްޗަން، ޖަޔާ ބައްޗަން، ސާހްރުކް ޚާން، ކާޖޮލް، ރިތިކް ރޯޝަން އަދި ކަރީނާ ކަޕޫރުގެ ވަރަށް ފުރިހަމަ އެކްޓިންގ ފެނިގެން ދެއެވެ.

3. ދޯސްތާނާ (2008)
ޕްލޮޓް: ސަމީރަކީ ނަރުހެކެވެ. އަދި ކުނާލް އަކީ ފޮޓޯގްރާފަރަކެވެ. މިދެމިހުން އުޅޭމީ ދެމަފިރިންނަށް ވެގެން ނެހާގެ ގޭގައި ކުއްޔަށެވެ. މި ދެމީހުން ވެސް ނެހާ ދެކެ ލޯބިވާން ފަށައެވެ.

ފިލްމުގައި ލީޑުން ފެނިފެން ދަނީ އަބީޝެކް ބައްޗަން، ޖޯން އަބްރަހަމަ އަދި ޕްރިޔަންކާ ޗޯޕްރާ އެވެ.

4. 3 އިޑިއަޓްސް ( 2009)
ޕޮލޮޓް: އިންޖިނީރިން ކޮލެޖްގެ ތިން ދަރިވަރުން ކަމަށްވާ ފަރްހާން، ރާޖޫ އަދި ރާންޗޯއަކީ ކޮލެޖުގައި އުޅުނު އެންމެ ގާތް އެކުވެރިންނެވެ. ރާންޗޯގެ ސަބަބުން ފަރްހާން އަދި ރާޖޫ އަށް ވަރަށް ގިން ކަންތައް ތަކެއް ދަސްވެއެވެ. ފަހުން ރާންޗޯ ގެއްލުމުން ފަރްހާން އަދި ރާޖޫ އޭނާ ހޯދުމަށް މަސައްކަތް ކުރެއެވެ.

އާމިރް ޚާން، ކަރީނާ ކްޕޫރުގެ އިތުރުން މި ފިލުމުގެ މުހިންމު ރޯލުތަކުން ޝަރްމަން ޖޯޝީ އާއި އާރް މާދަވަން ފެނިގެންދެއެވެ.

5. ޕީ.ކޭ (2014)
ޕްލޮޓް: މި ފިލްމުގައި ދައްކުވައިދެނީ އޭލިއަނެއް ދުނިޔެއަށް ކުރާ ދަތުރެކެވެ. އަނބުރާ އޭނާގެ ޕްލެނެޓަށް ދާނެ ފުރުސަތު ގެއްލުމުން އެ ފުރުސަތު ހޯދަން ކުރާ މަސައްކަތް ވަރަށް މަޖާ، ތަފާތު ގޮތަކަށް މި ފިލްމުން ދައްކުވައިދެއެވެ.

ފިލްމުގެ ލީޑް ރޯލުން ފެނިގެން ދަނީ އަނުޝްކާ ޝަރްމާ އާއި އާމިރު ޚާނެވެ.