އަމިއްލަ އާއިލާއެއް ފެށުމާއި ބެހޭގޮތުން ސުވާލުކުރުމުން ދީޕިކާ ޕަޑުކޯން އަބަދު ވާހަކަ ބަދަލުކޮށްލަން މަސައްކަތްކުރެ އެވެ. އެހެންނަމަވެސް އޭނާ ވަނީ އޭނާގެ ކުރިއަށް 10 އަހަރުގެ ޕްލޭން ބެލުންތެރިންނާއި ހިއްސާކޮށްފަ އެވެ.
އެގޮތުން އޭނާ ބުނެފައިވަނީ އޭނާ ބޭނުންވަނީ 3 ކުދިން ކަމަށާއި އަދި އެކުދިން އޭނާއާ އެކުގައި ޝޫޓިންތަކަށް ގެންދިޔުމަށް ވެސް ބޭނުންވާ ކަމަށެވެ. އޭނާ ބޭނުންވަނި އުފާވެރި އަދި ކުޑަ އާއިލާއެއް ކަމަށް ވެސް ދީޕިކާ ވަނީ ބުނެފަ އެވެ.
ފިލްމީ ތަރިއަކަށް ނުވިނަމަ އޭނާ މިހާރު ހުންނާނެ ތަނެއް ވެސް ކުރާނެ ކަމެއް ވެސް ނޭގޭ ކަމަށް ދީޕިކަ ވަނީ ބުނެފައެވެ. ރަންވީރް ސިންގ އާއި ކައިވެނި ކޮށްގެން އުފާވެރި ދިރިއުޅުމެއް އުޅެމުން އަންނަ ދިޕިކާ ބުނެފައިވަނީ އޭނާގެ މަންމަ އާއި ބައްޕަ ވެސް ބިޒީކޮށް އުޅެމުން އޭނާއަށް ވަގުތު ދިންކަމަށެވެ. އަދި އޭނާވެސް އުއްމީދު ކުރަނީ އޭނާއަށް ދަރިން ލިބުމުން އެ ކުދިންނަށް ވަގުތު ދެވޭނެ ކަމަށް ކަން ދީޕިކާ ވަނީ ބުނެފައެވެ.
View this post on Instagram
މަސައްކަތުގެ ދާއިރާއަށް ބަލާލާއިރު ދިޕިކާ ދެން އެންމެ އަވަހަށް ފެންނާނީ ކަބީރް ޚާންގެ "83″ އިން ފިރިމީހާ ރަންވީރް އާ އެކުއެވެ. ދީޕިކާ އަކީ މި ފިލްމުގެ ކޯ ޕްރޮޑިއުސާ ވެސް މެއެވެ.
ހަމަ އެހެންމެ ޝާހްރުކް ޚާންގެ "ޕަތާން" އިން ޝާހްރުކް އަދި ޖޯން އަބްރަހަމާ އެކުގައި ވެސް ދިޕިކާ ފެނިގެންދާނެ އެވެ.
