ޓިވީ އެކްޓަރެއް ކަމުގައިވާ ދީޕިކާ ސިންގް ގޯޔަލް ވަނީ ވަރަށް ފަހުން ވާރޭ ތެރޭގައި ނަށާފައިވާ ވީޑިއޯއަކާއި ފޮޓޯ ތަކެއް އޭނާ އަމިއްލައަށް ސޯޝަލް މީޑިއާގައި ހިއްސާކޮށްފަ އެވެ.
މިއީ އިންޑިއާއަށް މިވަގުތު ކުރިމަތިވެފައިވާ ވިއްސާރައިގެ ތޫފާނުގެ ތެރޭގައި އޭނާ ނަގާފައިވާ ފޮޓޯ އާއި ވީޑިއޯއަށް ވުމުން ވަރަށް ގިނަ ބެލުންތެރިންގެ ފާޑު ކިއުންތަށްވަނީ އޭނާއަށް ކުރިމަތިވެފައެވެ.
ބައެއް ބެލުންތެރިންވަނީ ރުޅިވެރިކަމުގެ ކޮމެންޓު ވެސް ކޮށްފައިއެވެ. އެގޮތުން ބައެއް މީހުން ކޮށްފައިވާ ކޮމެންޓް ތަކަށް ބަލާއިރު، "މިކަހަލަ ވީޑިއޯ ޕްރޮމޯޓް ނުކުރޭ، ބޭރުގައި ހުރުމަކީ ރަނގަޅުކަމެއް ނޫން" ކަމަށް އެކަކު ވަނީ ބުނެފައެވެ. އަދި "އަމިއްލަ ގޭގެ ފުރާޅު ވެއްޓުނުނަމަ ތިގޮތަށް ނުނަށާނެ" ކަމަށް ބުނެވެސް މީހަކު ވަނީ ކޮމެންޓް ކޮށްފައެވެ.
މީގެ އިތުރުން "ތޫފާނުގައި މީހުން މަރުވެ އެހާ ބޮޑެތި ގެއްލުން ލިބޭ އިރުވެސް މީނާ ބޭނުންވަނި ނަށަން" އިތުރު މީހަކު ކޮށްފައިވާ ކޮމެންޓެއްގައި ވެއެވެ.
View this post on Instagram
މި ފޮޓޯ އާއި ވީޑިއޯތަކަށް ބައެއް ބެލުންތެރިންގެ ތައުރީފު ވެސް ލިބިފައިވެއެވެ. ބެލުންތެރިންގެ ފާޑުކިޔުންތަށް ލިބުނު ނަމަވެސް ދީޕިކާ ވަނީ އަނެއްކާވެސް ހަމަ މި ފަދަ އިތުރު ފޮޓޯތަކެއް ހިއްސާކޮށްފައެވެ. އެގޮތުން އޭނާ ބުނެފައިވަނީ ތޫފާނުގެ މައްޗަށް ގަދަ ވެވޭނީ ފުރަތަމަ އަމިއްލަ މީހާ ހަމަޔަކަށް އެޅިގެން ކަމަށެވެ.
View this post on Instagram
