މަޝްހޫރު ފިލްމީ ތަރި ޕަރޭޝް ރާވަލް މަރުވެއްޖެ ކަމުގެ ދޮގު ޚަބަރަށް އޭނާ ވަނީ މަޖާ ރައްދެއް ދީފައެވެ.
މިފަދަ ދޮގު ޚަބަރު ފެތުރުމަކީ މަަޝްހޫރު އެކި ފަރާތްތަކަށް މީގެކުރިންވެސް ކުރިމަތިލާންޖެހިފައިވާ ކަންކަމެވެ. އެގޮތުން ޕަރޭޝް މަރުވެއްޖެ ކަމަށް ބުނާ ޚަބަރުގައި ވާ ގޮތުން އޭނާ ވަނީ 14 މެއި 2021 ވަނަ ދުވަހުގެ ހެދުނު 07 ޖެހި އިރު މަރުވެފަ އެވެ.
މި ޚަބަރަށް ޕަރޭޝް ވަނީ ރައްދު ދީފައެވެ. އޭނާ ބުނެފައިވަނީ " އޮޅުން އެރިކަމަށްޓަކައި މާފަށް އެދެން، އަހަރެންނަށް ނިދުނީ ހެނދުނު 7ގެ ފަހުން " މިހެންނެވެ. މަޖާ ގޮތަކަށް ޕަރޭޝް މި ޚަބަރަށް ޖަވާބު ދީފައިވީ ނަމަވެސް އޭނާގެ ފޭނުން ދަނީ މިކަމާ ނުރުހުން ފާާޅުކުރަމުންނެވެ.
ބައެެއް ބެލުންތެރިން ބޭނުންވަނީ މި ޚަބަރު ޖަހާފައިވާ ޕޭޖު ރިޕޯޓު ކުރުމަށެވެ. އަދި މި ފަރާތްތަކުން ބުނެފައިވަނީ މިއީ ސަމާސާކުރާ ކަހަލަ މައުޟޫއެއް ނޫންކަމަށާއި މިފަދަ ޚަބަރު މަޖާ ސަމާސާގެ ގޮތުގައި ފަތުރައިގެން ނުވާނެ ކަމަށެވެ.
?…Sorry for the misunderstanding as I slept past 7am …! pic.twitter.com/3m7j8J54NF
— Paresh Rawal (@SirPareshRawal) May 14, 2021
ފިލްމީ މަސައްކަތަށް ބަލައިލާއިރު ޕަރޭޝް އެންމެ ފަހުން މަސައްކަތް ކޮށްފައިވަނީ "ހަންގާމާ 2″ ގައެވެ. ހަމައެހެންމެ ފަރްހާން އަޚްތަރް އާއި އެކުގައި ފިލްމު "ތޫފާން" އިންވެސް ޕަރޭޝް ފެނިގެންދާނެ އެވެ.
