ޓީވީ އެކަޓަރ ޝަހީރް ޝެއިޚް އާއި އޭނާގެ ދުވަސްވީ ލޯބިވެރިޔާ ރުޗިކާ ކަޕޫރު ކައިވެނި ކުރިތާ މިވީ އަދި އެންމެ އަހަރެކެވެ. ދާދިފަހުން މި ދެމަފިރިން ވަނީ ރުޗިކާ ބަލިވެއިންކަމުގެ އުފާވެރި ޚަބަރު ވަނީ ބެލުންތެރިންނާއި ހިއްސާކޮށްފަ އެވެ.
ޓައިމްސް އޮފް އިންޑިއާއިން ނެރުނު ރިޕޯޓެއްގައި ވާގޮތުން މި ދެމަފިރިން މި އުފާވެރި ޚަބަރާއި އެކުގައި ތިބީ އުފަލުން ފޮޅިފައެވެ. އަދި ދަނީ ފުރަތަމަ ދަރިފުޅަށް މަރުހަބާކިއުމަށް ވާން ހުރި ހުރިހާ ތައްޔާރީއެއް ވަމުންނެވެ. ރުޗިކާ ބަނޑުބޮޑުވެގެން މިހާރު ކަޑައްތު ކުރަމުންދަނީ ފުރަތަމަ ޓްރައިމިސްޓާއެވެ.
View this post on Instagram
ޝަހީރް އަކީ އަބަދު ވެސް މަޑުމައިތިރި އަދި ސޯޝަލްމީޑިއާއާ ބީރައްޓެހި ފަންނާނެކެވެ. އެހެންކަމުން ސީދާ އޭނާ މި ޚާބަަރު އަދި ބެލުންތެރިންނާ ހިއްސާ ކޮށްފައެއް ނުވެއެވެ. މި ޚަބަރާއި ގުޅިގެން އަދި މި ދެމަފިރިންވެސް ރަސްމީކޮށް އެއްވެސް ވާހަކައެއް ދައްކާފައެއް ނުވެއެވެ.
އިންޓަވިއުއެއްގައި ވާހަކަ ދައްކަމުން ޝަހީރް ބުނެފައިވަނީ އޭނާގެ ދިރިއުޅުން ފުރިހަމަ ކޮށްދީފައިވަނީ ރުޗިކާ އެވެ. އަދި ރުޗިކާ އައުމުން އޭނާގެ ދިރިއުޅުން އުޖާލާވެ އުފާވެރިކަން އައިސްފައި ވާކަމަށްވެސް އޭނާ ވަނީ ބުނެފައެވެ.
ޝަހީރަކީ ގިނަ ޓީވީ ޑްރާމާތަކަކުން ބެލުންތެރިން ބަލައިގަނެފައިވާ ތަރިއެކެވެ. އޭގެތެރޭގައި "މަހާބާރަތު"، "ދާސްތާން އޭ މޮހައްބަތު"، "ކުޗް ރަންގް ޕިޔާރްކޭ އޭސޭބީ" އަދި "ބެސްޓް އޮފް ލަކް ނިކީ" ފަދަ ޓީވީ ޑްރާމާ ސީރީޒްތައް ހިމެނެވެ.
ރުޗިކާއަކީ ވަރަށް އުފެންދުންތެރި ޕްރޮޑިއުސަރެކެވެ. އެގޮތުން އޭނާވަނީ "ލައިލާ މަޖްނޫ"، "ވީރެ ދީ ވެޑިން"، "އޭކް ވިލަން"، "ރާގިނި އެމްއެމްއެސް2″ ފަދަ ފިލްމު ތަކުގައި މަސައްކަތްކޮށްފަ އެވެ.
