އިންޑިއާގެ ޓީވީތަރި އަނީތާ ހައްސަނަންދަނީ ވަނީ އާ ގޮތަކަށް ކަސްރަތު ކުރާނެ ގޮތް ބެލުންތެރިންނާއި ހިއްސާކޮށްފައެވެެ. މި ވީޑިއޯއިން އޭނަގެ ދަރިފުޅު އާރަވް ވެސް ފެނިގެންދއެވެ. މި ވީޑިއޯއިން އޭނާ ތަފާތު ގޮތްތައް ހަދާ މަންޒަރު ފެނިގެން ދެއެވެ. މީގެ ތެރޭގައި އޭނަ ބޭބީ ސްޓްރޯލާއާ އެކުގައި ދުވާތަން ވެސް ފެނިގެންދެއެވެ.
މި ވީޑިއޯ ހިއްސާ ކުރަމުން އަނީތާ ބުނެފައިވަނީ ކަސްރަތު ކުރުމުގައި ވަކި ރަނގަޅު ގޮތެއް ނޯންނަކަމަށެވެ. އަދި މީގައި މުހިންމީ ހިތްހަމަ ޖެހިގެން ކަސްރަތު ކޮށްލެވުން ކަމަށް ވެސް އޭނާ ވަނީ ބުނެފައިއެވެ. އަދި މުހިއްމީ ފެށުމެއް ކަމަށް ވެސް އޭނާ ބުނެފައިވެއެވެ.
މި ވީޑިއޯއަށް ވަރަށް ގިނަ ބެލުންތެރިންގެ ސަމާލުކަން ލިބިފައިވެ އެވެ. އަދި ހަަމަ އެހެންމެ ވަރަށް ގިނަ ކޮމެންޓާއި ލައިކްސް މި ވީޑިއޯއަށް ވަނީ ލިބިފައެވެ.
View this post on Instagram
އަނީތާ ގެންދަނީ އޭނާގެ އާއިލާއާ އެކުގައި ހިއްސާ ކުރާ ވަގުތުތައް ވީޑިއޯ އާއި ފޮޓޯގެ ޒަރިއްޔާއިން ބެލުންތެރިންނާ ހިއްސާކުރަމުން ނެވެ. ވަރަށް ފަހުން އޭނާ ވަނީ އޭނާގެ ދަރިފުޅު އާރަވް އާއި އެކުގައި ނަގާފައިވާ ވީޑިއޯއެއް ވެސް ހިއްސާކޮށްފައެވެ. މި ވީޑިއޯއިން އޭނާ ވަނީ ގާތުން ކިރު ދިނުމުގެ މުހިއްމުކަން ކިޔާދީފަ އެވެ.
އަނީތާއަކީ ބެލުންތެރިނަގެ މެދުގައި މަޝްހޫރު ފަންނާނެކެވެ. އެގޮތުން "ނާގިން"، "ކަވިޔަންޖަލީ" އަދި "ޔޭ ހޭ މޮހައްބަތެން" އަކީ ބެލުންތެރިންގެ މެދުގައި މަޝހޫރު ޑްރާމާތަކެވެ. މީގެ އިތުރުން އަނީތާ ވަނީ "ކުޗް ތޯހޭ"، "ކްރިޝްނާ ކޮޓޭޖް" އަދި "ރާގިނީ އެމްއެމްއެސް 2″ ފަދަ ފިލްމު ތަކުން ފެނިގެން ގޮސްފަ އެވެ.
