ހަރްޝްވަރުދަން ރާނޭގެ ސައިކަލު ވިއްކައިންގެން 3 އޮކްސިޖަން ކޮންސެންޓްރޭޓަރު ގަނެފިއެވެ.
ފިލްމު "ސަނަމް ތޭރީ ކަސަމް" އިން ފެނިގެން ދިޔަ ހަރްޝްވަރުދަން ވަނީ މިދިޔަ ހަފްތާގައި އޭނާގެ ސައިކަލު ވިއްކާލަން ނިންމާފައިވާކަން އިންސްޓަގްރާމް މެދުވެރިކޮށް ހާމަކޮށްފަ އެވެ. އަދި އޭނާ ސައިކަލު ވިއްކާލަން ނިންމީ އެވިއްކައިގެން ލިބޭ ލާރިން އޮކްސިޖަން ކޮންސެންޓްރޭޓަރު ގަތުމަށެވެ. މިއީ އިންޑިއާގެ ކޯވިޑްގެ ހާލަތުން އަރައިގަތުމަށް އެހީތެރިވުމުގެ އެނާ ގޮތުން ކޮށްފައިވާ ކަމެކެވެ.
ސައިކަލު ވިއްކާލައިގެން ހޯދި 3 އޮކްސިޖަން ކޮންސެންޓްރޭޓަރު އޭނާ މިހާރުވަނީ ހައިދަރްއާބާދައަށް ޑެލިވާވެސް ކޮށްދީފަައެވެ.
View this post on Instagram
މިދިޔަ ބުރާސްފަތި ދުވަހު ހަޝްވަރްދަން ވަނީ އޭނާގެ ސައިކަލު ވިކިއްޖެ ކަމާއި ކޮންސެންޓްރޭޓަރުތައް ހައިދަރްއާބާދަށް ގެންދިޔަކަން އޭނާގެ އިންސްޓަގްރާމް ސްޓޯރީގައި ހިއްސާ ކޮށްފައެވެ. އަދި އޭނާ ބުނެފައިވަނީ އިތުރު އޮކްސިޖަން ކޮންސެންޓްރޭޓަރު ލިބޭނެ ކަމުގެ އުއްމީދު ވަރަށް ބޮޑު ކަމަށެވެ.
ހަޝްވަރްދަންއަކީ އޭނާގެ، ރީނދޫކުލައިގެ ރޯޔަލް އެންފީލްޑް ބްރޭންޑްގެ ސައިކަލުދެކެ ވަރަށް ލޯބިވާ ފަންނާނެކެވެ. އެހެންކަމުން އޭނާގެ މި އަމަލު ބެލުންތެރިން ބަލައިގަތީ ވަރަށް ލޮތްބާއި ޝުކުރާއެކުގައެވެ. މީގެ އިތުރުން އޭނާއަށް ތައުރީފުގެ ބަސްތައް ދަނީ އޮހެމުންނެވެ. އޭނާ ބުނެފައުވަނީ އޭނާއަށް މިކަންތައް އިންސްޓަގްރާމާއި ފޭނުންގެ ސަަޕޯޓާއި ނުލައި ނުކުރެވުނީސް ކަމަށެވެ.
