ބޮލީވުޑްގެ މަޝްހޫރު ތަރި ދީޕިކާ ޕަޑުކޯން ކޯވިޑް-19އަށް ޕޮޒިޓިވް ވެއްޖެއެވެ.
ދީޕިކާގެ އިތުރުން އޭނާގެ އާއިލާގެ އެންމެންވެސް ވަނީ ކޯވިޑަށް ޕޮޒިޓިވްވެފަ އެވެ. އެންމެ ފުރަތަމަ މި ބައްޔަށް ޕޮޒިޓިވް ވީ އޭނާގެ ބައްޕަ ޕްރަކާޝް ޕަޑުކޯން އާއި މަންމަ އުއްޖަލާ އަދި އޭނާގެ ކޮއްކޮ އެވެ. ދީޕކާ މިވަގުތު ހުރީ ބެންގަލޯރުގައި އޭނާގެ އާއިލާ އާއިއެކުގައެވެ.
ދާދިފަހުން ވަނީ ދީޕިކާ އާއި ރަންވީރު އެއާޕޯޓުން ފެނިގެން ގޮސްފައެވެ. އެ ދެމަފިރިން ބެންގަލޯރަށް ދިއައީ އާއިލާއާއި އެކު ވަގުތު ކޮޅެއް ހޭދަކޮށްލުމަށެވެ.
ދީޕިކާ ކޯވިޑް އަށް ޕޮޒިޓިވް ވެފައިވާކަމަށް އިންޓަނޭޝަންލް އިންޑިއާ ފިލްމް އެކަޑަމީ އެވޯޑް (އައިފާ) އިން ވަނީ ކަށަވަރުކޮށްދީފަ އެވެ. އައިފާ އިން ކޮށްފައިވާ ޓްވިޓެއްގައި ވަނީ ދީޕިކާ ކޯވިޑަށް ޕޮޒިޓިވްވެފައި ވާކަމަށާއި އަދި އަވަސް ޝިފާއަކަށް އެދޭކަމަށް ބުނެފަ އެވެ. އެހެންނަމަ ވެސް ދީޕިކާގެ ފަރާތުން ރަސްމީކޮށް އެ ޚަބަރު މިހާތަނަށް ކަށަވަރު ކޮށްދީފައެއް ނުވެއެވެ.
#DeepikaPadukone has tested positive for Covid-19.
Get well soon, Deepika!#IIFA #Bollywood pic.twitter.com/RnD635WrKY
— IIFA (@IIFA) May 4, 2021
މިދިއަ އަންގާރަ ދުވަހު ދީޕިކާގެ ބައްޕަ ވަނީ ހުންއައުމުގެ ސަބަބުން ހޮސްޕިޓަލްގައި އެޑްމިޓް ކޮށްފައެވެ. އަދި ވަރަށް އަވަހަށް ދޫކޮށްލާނެ ކަމަށް ހަބަރު ލިބެއެވެ.
މީގެ 10 ވަރަކަށް ދުވަސް ކުރިން ޕްރަކާޝް އާއި އުއްޖަލަ އަދި އަނީޝާވެސް ކޯވިޑްގެ އަލާމާތްތަށް ފެނިގެން ޓެސްޓްކުރުމުން ޕޮޒިޓިވް ވެފައިވާކަމަށް އެމީހުންގެ އާއިލީ ރައްޓެއްސަކާ ހަވާލާދީ ރިޕޯޓްތައް ބުނެއެވެ.
އިންޑިއާގައި ކޯވިޑްގެ ހާލަތުގޯސްވެ، ނަންމަޝްހޫރު ގިނަ ތަރިންވެސް ދަނީ ކޯވިޑްއަށް ޕޮޒިޓިވް ވަމުންނެވެ. ހާލަތު ގޯސްވުމުން މިހާރު އިންޑިއާ ވަނީ ލޮކްޑައުން ވެސް ކޮށްފައެވެ.
ދިޕިކާގެ ކުރިއަށްހުރި ފިލްމީ މަސައްކަތްތަކުގެ ތެރޭގައި، މިހާރު މަސައްކަތްތައް ނިންމާ އަޅުވަން ތައްޔާރުވެފައިވާ ފިލްމު ’83’، ސިދާތް އާނަންދް ޑައިރެކްޓް ކޮށް ޝާހް ރުކްޚާން ލީޑުން ފެނިގެންދާ ފިލްމު "ޕަތާން" އަދި ފިލްމު "ފައިޓަރ" ހިމެނެއެވެ.
އެންމެފަހުން ދިޕިކާ ފެނިގެންގޮސްފައިވަނީ މިދިޔަ އަހަރު ނުކުއިތް ފިލްމު "ޗަޕާކް" އިންނެވެ.
