ދަރިއަކު ހޯދަން ވަރަށް ބޭނުންވާ ކަމަށާއި އެހެން ނަމަވެސް ޕެންޑަމިކްގެ ހާލަތުގައި ދަރިއަކު ހޯދަން މަސައްކަތް ނުކުރާނެ ކަމަށް މަޝްހޫރު ކޮމޭޑިއަން ބާރްތީ ސިންގ ބުނެފިއެވެ.
އޭނާ މިހެން ބުނެފައި ވަނީ ޑާންސް ދީވާނޭ 3 ގެ އެޕިސޯޑެއްގެ ތެރެއިންނެވެ. ބާރްތީ އާއި އޭނާގެ ފިރިމީހާ ހަރްޝް އަކީ މި ޝޯވގެ ހޯސްޓެވެ.
މި ޝޯވގެ އެންމެ ފަހުގެ އެޕިސޯޑްގައި ފެނިގެންދިޔަ ހުށަހެޅުންތައް ވަރަށް ގިނަ ބެލުންތެރިންގެ ސަމާލުކަން ވަނީ ހޯދާފައެވެ. އަދި ވަނީ އެންމެންގެ ލޮލުން ކަރުނަ ހިލުވާލާފަ އެވެ.
ޝޯވގެ ތެރެއިން އެއް ބައިވެރިއަކު ހުށަހަޅައިދިން ހުށަހެޅުމުގައި ފެނިގެންދަނީ މި ޕެންޑަމިކް ތެރޭގައި މަންމައަކު އޭނާގެ 14 ދުވަސްވީ ދަރިފުޅު، ކޯވިޑްގެ ޝިކާރައަށްވެ ވަކިވެދިއުމުން އުފުލި ހިތާމައެވެ. އަދި މި ހުށަހެޅުމަކީ ހަގީގީ ހާދިސާއަކަށް ނިސްބަތްކޮށް ތައްޔާރުކޮށްފައިވާ ހުށަހެޅުމެއްކަމަށް އެ ބައިވެރިޔާ ވަނީ ބުނެފައެވެ. މި ހުށަހެޅުން ބަލާފައި ޖަޖުންގެ އިތުރުން ބެލުންތެރިންނަށް ވެސް ވަނީ ރޮވިފައެވެ.
View this post on Instagram
ބާރްތީ ބުނެފައިވަނީ ދަރިއަކު ހޯދަން ކިތަންމެ ބޭނުންވިޔަސް އެމައުލޫގައި އިތުރަށް ވާހަކަދައްކަންވެސް ބޭނުން ނުވަނީ މިފަދަ ހާދިސާއެއް ދިމާވާން މިހާލަތުގައި ބޭނުން ނުވާތީ ކަމަށެވެ. އަދި އޭނާ ދަރިއަކު އުފަންކުރުވަން ބޭނުންވަނީ މިއަށްވުރެ ސިއްހީގޮތުން ރައްކާތެރި މާހައުލަކަށް ކަމަށާއި މިއަދުގެ ހާލަތަކީ މާ ނުރައްކާތެރި ހާލަތެއް ކަމަށްވެސް ބާރްތީ ވަނީ ބުނެފައެވެ.
2017 ވަނަ އަހަރު ކައިވެނިކުރި ބާރްތީ މީގެކުރިން ބުނީ ދަރިއަކު ހޯދުމުގެ ވިސްނުން ގެންގުޅެނީ 2020 ވަނަ އަހަރު ކަމަށެވެ.
One Response
ހޯސްޓްކީ ރާގަވް އޭނާއަށް ކޮވިޑް ޖެހުނީމަ މިދެމަފިރިން ހުށަހަޅައި ދެނީ