ކޯވިޑް-19އާ ގުޅިގެން ދުބާއީ ކުންފުންޏަކުން ރާއްޖެއަށް ގެނައުމަށް މަސައްކަތްކުރި 75 ވެންޓިލޭޓަރުގެ މައްސަލައިގައި އެއްވެސް ބޭފުޅެއްގެ މައްޗަށް ދައުވާ ނުކުރަން ނިންމި ނިންމުމާއި ގުޅޭގޮތުން ޕްރެސް ކޮންފަރެންސެއް މިއަދު 1 ޖަހާއިރު ބޭއްވުމަށް ޕީޖީ އޮފީހުން ނިންމައިފިއެވެ.
ކޯވިޑް-19ގެ ޙާލަތާއިގުޅިގެން ރާޢްޖެއަށް ވެންޓިލޭޓަރު ހޯދުމުގަައި މަޤާމުގެ ނުފޫޒު ބޭނުންކޮށް ދައުލަތަށް ގެއްލުންވާ ގޮތަށް އަމަލުކުރިކަމުގެ ތުހުމަތާއެކު ޙެލްތު މިނިިސްޓަރ ޢަބްދުﷲ އަމީން ހިމެނޭހެން 11 މީހެއްގެ މައްޗަށް ދައުވާކޮށްދިނުމަށް އެދި އެންޓި ކޮރަޕްޝަން ކޮމިޝަން (އޭސީސީ) އިން ފޮނުވި މައްސަލާގައި ދައުވާ ނުކުރުމަށް ނިންމާފައިވާކަމަށް ޕްރޮސެކިއުޓަރ ޖެނެރަލްގެ އޮފީހުން ވަނީ މިއަދު ހާމަކުރައްވައިފައެވެ.
މިނިންމުމާއި ގުޅޭގޮތުން ޕީޖީ އޮފީހުން ވިދާޅުވީ މިއަދު މެންދުރު 1:00 ގައި ބާއްވާ މި ޕްރެސް ކޮންފަރެންސުގައި އެ އޮފީހުން މިމައްސަލާގައި ދައުވާ ނުކުރަން ނިންމި ނިންމުގެ ތަފްސީލް ހާމަކުރުމަށް ހަމަޖެހިފައިވާކަމަށެވެ.
ޕީޖީ އޮފީހުން ވިދާޅުވީ މިނިސްޓްރީ އޮފް ހެލްތަށް ބޭނުންވާ 75 ވެންޓިލޭޓަރ ސަޕްލައިކޮށްދިނުމަށް ދުބާއީގެ ކުންފުންޏެއްކަމަށްވާ އެގްޒެކިއުޓަރސް ޖެނެރަލް ޓްރޭޑިންގއާ ޙަވާލުކުރުމުގައި މާލިއްޔަތު ޤާނޫނާ ޚިލާފަށް ޢަމަލުކޮށްފައިވާކަމަށް ތުހުމަތުކުރެވޭ މައްސަލަ ދިރާސާކުރުމަށްފަހު، އެމައްސަލާގައި ދަޢުވާ ނުކުރުމަށް ނިންމައި، އިއްޔެ އެމައްސަލަ ޑިކްލައިންކޮށްފައިވާކަމަށެވެ. މި ނިންމުން ބިނާވެފައިވާ ސަބަބުތަކާއި، މައްސަލައާ ގުޅޭ އިތުރު ތަފްސީލު ފަހުން ޙިއްޞާކުރާނެކަމަށް ޕީޖީ އޮފީހުން ވިދާޅުވެއެވެ.
ވެންޓިލޭޓަރު ހޯދުމުގަައި މަޤާމުގެ ނުފޫޒު ބޭނުންކޮށް ދައުލަތަށް ގެއްލުންވާ ގޮތަށް އަމަލުކުރިކަމުގެ ތުހުމަތާއެކު ޙެލްތު މިނިިސްޓަރ ޢަބްދުﷲ އަމީން ހިމެނޭހެން 11 މީހެއްގެ މައްޗަށް ދައުވާކޮށްދިނުމަށް އެދި އެންޓި ކޮރަޕްޝަން ކޮމިޝަން (އޭސީސީ) އިން ޕްރޮސިކިއުޓަ ޖެނެރަލްގެ އޮފީހުގައި އެދިފައިވަނީ މިމަހުގެ 14 ވަނަ ދުވަހުއެވެ.
ކޮމެންޓު ފޮނުވާ