ޓީވީ ތަރި ޕާތު ސަމްތާން އަކީ މިހާރު އަރަމުން އަންނަ ތަރިއެކެވެ. އޭނާ ވަނީ މިހާރު ބޮލީވުޑަށް ތައާރަފްވުމަށްވެސް ތައްޔާރުވެފަ އެވެ.
އަދި އޭނާ އަކީ ގިނަ އަންހެން ކުދިންގެ ހިތްތައް އަތުލަމުންދާ ފަންނާނެކެވެ. އިންޓަވިއުއްގައި ވާހަކަ ދައްކަމުން ޕާތު ބުނެފައިވަނީ އޭނާގެ ސުކޫލު ދައުރުގައި އޭނާއަކީ އެހާ މަޝްހޫރު މީހެއް ނޫންކަމަށެވެ.
ސުކޫލުގައި އުޅުނު އިރުގައި އޭނާގެ ބަރުދަނުގައި 110 ކިލޯ ހުރިކަމަށާއި އަދި އެއްވެސް އަންހެން ކުއްޖެއް އޭނާއާ ވާހަކަވެސް ނުދައްކާ ކަމަށް ޕާތު ވަނީ ބުނެފައެވެ. އެ ދުވަސްވަރު އޭނާ ވަރަށް ކުޅިވަރު ކުޅޭހިތްވާ ކަމަށާއި އެހެންނަމަވެސް ޓީމު ނަގާ އިރުގަވެސް އޭނާ ނަގަނީ އެންމެ ފަހުންކަމަށް އޭނާ ވަނީ ބުނެފައެވެ.
ސްކޫލު ދައުރުގައި މީހަކު އެނާގެ ބަރުދަނާ ބެހޭ ގޮތުން އެއްޗެކޭ ބުނެފިނަމަ އޭނާ އެކަން ނަގަނީ ވަރަށްވެސް ސީރިއަސްކޮށް ކަމަށްވެސް ޕާތު ވަނީ ބުނެފައެވެ. އަދި ވަރަށް މަސައްކަތުން 32 ކިލޯ ބަރުދަން ލުއިކޮށްލާފައި ވާކަމަށްވެސް އޭނާ ބުންޏެވެ. އަދި މިއީ ސްކޫލު ދައުރުގައި އޭނާއަށް ލިބުނު އެންމެ ބޮޑު އެއް ކާމިޔާބީ ކަމަށް ޕާތު ވަނީ ބުނެފައެވެ.
View this post on Instagram
އެންމެ ފުރަތަމަ ޕާތު ފެނިގެން ގޮސްފައިވަނީ ޓީވީ ޝޯއެއް ކަމަށްވާ "ކޭސޭ ޔެ ޔާރިއާން" އިންނެވެ. އެއަށްފަހު "ކަސޯޓީ" އިންވެސް އޭނާ ފެނިގެން ގޮސްފައިވެއެވެ. އޭނާ އެންމެ ފަހުން ފެނިގެންދިޔައީ މިދިޔަ މަހު ދައްކަންފެށި ވެބް ސީރީޒް "މޭ ހީރޯ ބޯލް ރަހާހޫން" ގައި ގޭންގްސްޓަރ އެއްގެ ރޯލުންނެވެ.
