ބޮލީވުޑްގެ ތަރި ސަނީ ލިއޯނީގެ ކައިވެންޏަށް 10 އަހަރު ފުރުނީ އޭޕްރީލް މަހުގެ 9 ވަނަ ދުވަހު އެވެ. އަދި އޭނާގެ ފިރިމީހާ ޑެނިއަލް ވެބަރއާ އެކުގައި 10 އަހަރު ހޭދަ ކޮށްފައިވާއިރު އެމީހުންގެ ކައިވެނީގެ "ސްޕާކް" ފަޑުނުކޮށް ބެހެއްޓުމުގެ ސިއްރު ބެލުންތެރިންނާ އޭނާ ވަނީ ދާދިފަހުން ހިއްސާކޮށްފަ އެވެ.
އެގޮތުން ސަނީ ލިއޯނީ އާއި ޑެނިއަލް އެކުގައި ނަށާ ވީޑިއޯއެއް އޭނާ ވަނީ ހިއްސާކޮށްފަ އެވެ.
މި ވީޑިއޯގައި ސަނީ ބުނެފައިވަނީ 10 އަހަރު އެކުގައި ލޯބިން އުޅެވުނީ އެންމެ ފަސް ކަމެއްގެ ސަބަބުންކަމަށެވެ. އެއީ ، އަބަދުވެސް ވާހަކަ ދެއްކުން، ޑޭޓް ތަކަށް ދިޔުން، އެކުގައި ކެއްކުން، ހީސަމާސާ ކުރުން އަދި އެކަކު އަނެކަކަށް ޝުކުރުވެރިވުން ކަމަށެވެ.
View this post on Instagram
ސަނީ ލިއޯނީ އާއި ޑެނިއަލް އެންމެ ފުރަތަމަ ދިމާވީ ލަސް ވޭގަސްގެ ކްލަބަކުންނެވެ. އަދި މި ދެމީހުން ކައިވެނި ކޮށްފައިވަނީ 2011 ވަނަ އަހަރު އެވެ. މިހާރު މި ދެމީހުންގެ ތިން ދަރިން ތިބެއެވެ. ނިޝާ އަދި އެއްމާބަނޑު ދެ ފިރިހެން ކުދިން ކަމަށްވާ އާޝަރް އަދި ނޯއާ އެވެ. ޑެނިއަލްވެސް ވަނީ މީގެ 10 އަހަރުގެ ކުރިން ލާސް ވޭގަސްގައި ނަގާފައިވާ ފޮޓޯއެއް އޭނަގެ އިންސްޓްގްރާމުގައި ހިއްސާކޮށްފަ އެވެ.
