ކޮރޯނާ ވައިރަސްގެ ވަބާ ވަނީ ދުނިޔޭގެ ހުރިހާ ގައުމެއްގެ ހުރިހާ ސިނާއަތްތަކަކަށްވެސް ގުޑުން ގެނުވާފައެވެ. އެގޮތުން އެންމެ ބޮޑު އަސަރެއް ކޮށްފައިވާ އެއް ދާއިރާ އަކީ މުނިފޫހި ފިލުވުމުގެ ދާއިރާއެވެ. ބޮލީވުޑްގެ އިތުރުން ހޮލީވުޑަށްވެސް ވަނީ އެތައްގިނަ ނޭދެވޭ އަސަރުތަކާއި ގެއްލުންތަކާ ކުރިމަތިލާން ޖެހިފައެވެ. އެގޮތުން ޝޫޓިންތައް ކެންސަލް ވުމާއި ފިލްމުތައް ރިލީސް ކުރުން ލަސްވުމާއި ބައެއް ފިލްމީ ތަރިން ބައްޔަށް ޕޮސިޓިވްވުންފަދަ ކަންކަން ހިމެއެވެ.
އެހެންނަމަވެސް ކޯވިޑްގެ މިހާލަތުގައިވެސް އިތުރަށް ލަސްނުކޮށް ބެލުންތެރިންނާ ހަމައަށް ގެނައުމަށް މަސައްކަތްކުރާ، ބޮލީވުޑްގެ ބައެއް ފިލްމުތަކަށް ބަލައިލާނަމެވެ. ނަމަވެސް މި ފިލްމުތަކަކީ ފުރަތަމަ އަޅުވަން ކަނޑައެޅި ތާރީހުތަކަށްވުރެ މިހާރުވެސް ލަސްކޮށްލާފައިވާ ފިލްމުތަކެވެ.
ލިސްޓުގައި އެންމެ ފުރަތަމަ އޮތީ ސުޕަސްޓަރ ސަލްމާންގެ "ރާދޭ: ޔުއާ މޯސްޓް ވޯންޓެޓް ބާއީ" އެވެ. މި ފިލްމު ރިލީސް ކުރުމަށް ހަމަޖެހިފައިވަނީ ފިތުރު އީދާ ދިމާކޮށް އަންނަ މަހުގެ 13ގަ އެވެ. މި ފިލްމު ރިލީސް ކުރަނީ ޒީ5 އަދި ޒީ ޕޭ އާއި ގުޅިގެންނެވެ.
View this post on Instagram
މި ލިސްޓުގައި ދެން އޮތީ "ތަލައިވީ" އެވެ. މިއީ ކަންގަނާ ރަނާވަތުގެ ފިލްމެކެވެ. ފިލްމު ރިލީސް ކުރަން އެންމެ ފަހުން ކަނޑައެޅި ތާރީހަކީ އޭޕްރީލް 23 އެވެ. އެހެންނަމަވެސް ކޮވިޑް 19ގެ ހާލަތު އިންޑިއާގައި މާބޮޑަށް ގޯސްވުމުން ފިލްމު ރިލީސް ކުރުން ވަނީ ވަކި މުއްދަތެއް ނެތްގޮތަށް ފަސްކޮށްލާފަ އެވެ. އެހެންނަމަވެސް ޕްރޮޑަކްޝަން ޓީމުގެ މަގްސަދަކީ މިފިލްމު މިއަހަރު ބެލުންތެރިންނާ ހަމައަށް ގެނައުމެވެ.
View this post on Instagram
މި އަހަރު ނެރެން ހަމަޖެހިފައިވާ ފިލްމުތަކުގެ ތެރޭގައި "ގަންގޫބާއި ކަތިއަވަޅީ" ވެސް ހިމެނެއެވެ. މިއީ މިހާރު އެންމެބޮޑަށް އިންތިޒާރުކުރެވޭ، ސަންޖޭ ލީލާ ބަންސާލީގެ ފިލްމެވެ. މި ފިލްމު ރިލީސް ކުރަން ހަމަޖެހިފައި ވަނީ ހިންދީ އަދި ޓެލުގޫ ބަހުން ޖުލައި 30 ވަނަ ދުވަހު އެވެ. މި ފިލްމާ ގުޅިގެން ލިބިފައިވާ އެންމެ ފަހުގެ ޚަބަރަކީ ކޯވިޑް 19ގެ ސަބަބުން ފިލްމުގެ ބާކީ މިހާރު ހުރި މަސައްކަތްތައް ހުއްޓިފައިވާ ޚަބަރެވެ.
View this post on Instagram
މީގެ އިތުރުން ހިންދީ ފިލްމު "ތޫފާން" އަދި "ސައްތިޔަމެއިވަ ޖަޔަތޭ"ގެ ދެވަނަބައި ވެސް މި އަހަރު ބެލުންތެރިންނަށް ފެންނަވަރު ކުރުމަށް އަންނަނީ މަސައްކަތްކުރަމުންނެވެ. މި ދެ ފިލްމަކީ އަންނަ މެއި މަހު ރިލީސްކުރަން އެންމެ ފަހުން ތާރީހު އާންމުކޮށްފައިވާ ދެ ފިލްމެވެ.
