މިރޭ ކުރިއަށްދާ އެމްޑީޕީގެ ޤައުމީ މަޖިލީހުގައި ޕާޓީގެ އެތެރޭގެ އިންތިޚާބް ކައުންސިލް އިންތިޚާބަށްފަހު ބޭއްވުމަށް ބަހުސް ފައްޓައިފިއެވެ.
މިހާރު ކުރިއަށްދާ ޤައުމީ މަޖިލީހުގެ ޖަލްސާގައި މެމްބަރުންދަނީ ވަރަށް ފުޅާދާއިރާއެއްގައި މިކަމަށް ބަހުސްކުރައްވަމުންނެވެ. ޤައުމީ މަޖިލީހުގެ ގިނަ މެމްބަރުންގެ ވިސްނުންހުރީ ކައުންސިލް އިންތިޚާބަށްފަހު އެތެރޭގެ އިންތިޚާބް ބޭއްވުމަށެވެ. އެމްޑީޕީގެ އެކި ދާއިރާތަކުގައި އިންތިޚާބް ވެފައިވާ މެމްބަރުންގެ މުއްދަތު މިމަހުގެ 24 ވަނަ ދުވަހަށް ހަމަވާއިރު ކޯވިޑް19 އާއި ގުޅިގެން އިންތިޚާބް ބޭއްވޭގޮތް ވަނީ ނުވެފައެވެ.
Gaumee Majlis ge 171 vana badhdhaluvun Thaajuddeen School hall ga kuriah dhanee pic.twitter.com/uQ5GmpLSQz
— MDP Secretariat (@MDPSecretariat) October 19, 2020
މިރޭގެ ޖަލްސާގައި އެމްޑީޕީގެ ރައީސް މުހައްމަދު ނަޝީދުވެސް ވަނީ ޤައުމީ މަޖިލީހުގެ މެމްބަރުންނާއި މުޚާތަބްކުރައްވައި ވާހަކަ ދައްކަވާފައެވެ. ޤައުމީ މަޖިލީހުގެ ބައްދަލުވުމުގައި ގިނަ ދާއިރާތަކުގެ މެމްބަރުން ބައިވެރިވެފައިވާއިރު، ޖަލްސާގައި ބައިވެރިވެފައިވަނީ އެމްޑީޕީއަށް ނިސްބަތްވާ ވަޒީރުންގެ ތެރެއިން ފިނޭންސް މިނިސްޓަރ އިބްރާހިމް އަމީރު އެކަންޏެވެ.
ތާޖުއްދީން ސްކޫލުގައި ކުރިއަށްދާ މިރޭގެ ބައްދަލުވުމުގައި ބަހުސް ކުރިއަށްދާ އެތެރޭގެ އިންތިޚާބާއިމެދު ގޮތެއް ނިންމިގެންދާނެކަމަށް ބެލެވެއެވެ.
ކޮމެންޓު ފޮނުވާ