ބޮލީވުދް ސުޕަސްޓަރ ސަލްމާން ޚާނަކީ އޭނާގެ ދީލަތި އެހީތަކަށް މަޝްހޫރު ތަރިއެކެވެ. އަދި މިކަން އެންމެ ބޮޑަށް ފެނިގެން ގޮސްފައި ވަނީ 2020 ވަނައަހަރު މުޅި ދުނިޔެއަށް ފެތުރިގެން ދިޔަ ކޮރޯނާވައިރަސްއާ ގުޅިގެންނެވެ.
އެގޮތުން އޭނާ ވަނީ ބޭނުން ޖެހިފައިވާ އެތަށް ބަޔަކަށް އެހީތެރިވެދީފަ އެވެ. އެގޮތުން ކާނާ ފޯރު ކޮށްދިނުން ފާހަގަ ކޮށްލެވެއެވެ. ކޯވިޑް 19ގެ ދެވަނަ ރާޅާއި އެކުގައި ކޭސްތައް އިތުރުވަމުން ދާއިރު ސަލްމާން ވަނީ ފްރޮންޓްލައިންގައި މަސައްކަތް ކުރާ މީހުންނަށް ކާއެއްޗެހި ފޯރު ކޮށްދީފަ އެވެ.
މިޑް ޑޭގައި ވާހަކަ ދައްކަމުން މަހާރާޝްޓްރާގެ ވެރިކަން ކުރާ ޕާޓީ ޝިވް ސެނާ ޕާޓީގެ ޒުވާނުންގެ ގޮފީގެ ލީޑަރ ރާހުލް ކަނަލް ވިދާޅުވީ ސަލްމާން އެންމެ ބޭނުންވަނީ ފުލުހުން، ބީއެމްސީ އަދި ސިއްހީ ދާއިރާގައި މަސައްކަތް ކުރާ މުވައްޒަފުންނަށް އޭނާއަށް ވީވަރަކުން އެހީތެރިވުމަށެވެ. އެގޮތުން އޭނާ ފޯރު ކޮށްދޭ ކިޓުގައި ހިމެނެނީ ސައި، ފެން، ބިސްކޯދު އަދި އުޕުމާ، ޕޯހާ، ވަޑާ ޕަވް، ނުވަތަ ބާޖީ ޕަވް އެވެ.
Day 3 of serving the frontline warriors of @MumbaiPolice posted at various checkpoints, police stations, check nakas across #Mumbai with refreshments
Thank you @OfficeofUT Saheb @AUThackeray Saheb for being our inspiration
Thank you @Iamrahulkanal ji @BeingSalmanKhan ji
(1/2) pic.twitter.com/wut5ogniDq
— Yuva Sena (Bandra West) (@yuvasenabandraw) April 22, 2021
ހަމައެހެންމެ ރާހުލް ވިދާޅުވީ ފްރޮންޓްލައިން އޮފިޝަލުންނަށް އެހީފޯރުކޮށްދޭން ހެލްޕް ލައިނެއްވެސް މިހާރު ގާއިމްކޮށްފައި ވާކަމަށެވެ. މިނަމްބަރަށް ފޮރޮންޓްލައިން މުވައްޒަފުން ގުޅުމުން އެބުނާތަނަކަށް ކާ އެއްޗެހި ގެންދިޔުމުގެ އިންތިޒާމް ހަމަޖެހިގެންދާނެ ކަމަށް ރާހުލް ވިދާޅުވިއެވެ.
2020 ވަނަ އަހަރު ވެސް ސަލްމާން ވަނީ ހަމަ މި ކަހަލަ އެހީ ވެފައެވެ. މީގެ އިތުރުން އޭނާ ވަނީ މާސްކު އަޅާއިގެން އުޅުމަށާއި ރައްކާތެރި ވުމުގެ ގޮތުން އަޅަންޖެހޭ އެހެން ފިޔަވަޅުތައް އެޅުމަށް ވެސް، އޭނާގެ އިންސްޓްގްރާމް މެދުވެރިކޮށް، ބެލުންތެރިންނަށް ގޮވާލާފަ އެވެ.
