ރާކީ ސާވަންތުގެ މަންމަ ޖަޔާ ކެންސަރާއި ދެކޮޅަށް ކުރި އޮޕަރޭޝަންވަނީ ކާމިޔާބުވެފަ އެވެ. ޖަޔާގެ އޮޕަރޭޝަން ކޮށްފައިވަނީ 19 އެޕްރީލް ވީ ހޯމަ ދުވަހުގެ ހެދުނު އެވެ. ރާކީ ވަނީ އޮޕަރޭޝަން ކާމިޔާބުވި ކަމުގެ އުފާވެރި ޚަބަރު ސޯޝަލްމީޑިއާގައި އާންމުކޮށްފަ އެވެ.
މިވާހަކަ ހިއްސާކުރަމުން ރާކީ ވަނީ ސަލްމާން ޚާނާއި ސަލްމާންގެ އާއިލާއަށް ޝުކުރު އަދާކޮށްފައެވެ. އެގޮތުން އޭނާ ވަނީ ފައިސާގެ ގޮތުންނާއި އެހެނިހެން ގޮތުން އޭނާގެ އާއިލާއަށް ފޯރުކޮށްދިން އެހީތެރިކަމަށް ސަލްމާނަށް ފަށްފަށުން ޝުކުރު އަދާކޮށްފަ އެވެ.
ރާކީ ބުނެފައިވާ ގޮތުން އޭނާގެ މަންމަގެ ކޭސްއަކީ ވަރަށް އުނދަގޫ ކޭސްއެއް ނަމަވެސް، ސަލްމާން އޭނާގެ މަންމަ އަށް އެންމެ ރަނގަޅު ޑޮކްޓަރެއް ހޯދައި ދީފައި ވާކަމަށެވެ. އޭނާ ބުނެފައިވަނީ އޭނާގެ މަންމައަށް މުޅިންއާ ދިރިއުޅުމެއް ހޯދައިދީފާވަނީ ސަލްމާން ކަމަށެވެ.
View this post on Instagram
މި އޮޕަރޭޝަންގެ ކުރިން ރާކީވަނީ އޭނާގެ އިންސްޓްގްރާމުގައި، އޮޕަރޭޝަންގެ ވާހަކަ އަދި ޓިއުމާރ ނަގަން އުޅޭކަމުގެ ވާހަކަ ހިއްސާކޮށްފަ އެވެ. އަދި ހަމައެހެންމެ އޭނާ ވަނީ އޭނާގެ މަންމަ ވޯޑުގައި އިންދާ ނަގާފައިވާ ވީޑިއޯއެއްވެސް ބެލުންތެރިންނާއި ހިއްސާކޮށްފަ އެވެ.
ޖަޔާވަނީ ބިގް ބޮސް 14އަށް ފަހު ކީމޯތެރަމީގެ އެތަކެއް ސެޝަނެއް ނަގާފައެވެ. އަދި މިކަމާއި ގުޅީގެން މި ދާއިރާގެ އެތަކެއް ފަންނާނުން ވަނީ އޭނާއަށް ޒިޔާރަތްކޮށްފަ އެވެ.
