އިރްފާން ޚާނާ އެކުގައި ފިލްމް "ހިންދީ މީޑިއަމް" އިން ފެނިގެން ދިޔަ ތަރި ސަބާ ޤަމަރް އޭނާގެ ކައިވެނި އިއުލާން ކޮށްފައިވަނީ ވަރަށް ފަހުންނެވެ. އެނާ ކައިވެނި ކުރަން ހަމަޖެހިފައު އޮތީ އަޒީމް ޚާނާ އެވެ.
ޕާކިސްތާނަށް ނިސްބަތްވާ ތަރި ސަބާ ވަނީ ވަރަށް ފަހުން މިސްކިތެއްގައި ޝޫޓިން ކުރިއަށް ގެންދިޔަ މައްސަލެއްގައި ކޯޓަށްވެސް ހާޒިރު ކޮށްފައެވެ.
ސަބާ ދާދި ފަހުން ވަނީ އޭނާގެ އިންސްޓަގްރާމް މެދުވެރިކޮށް އޭނާގެ ކައިވެނި ކެންސަލް ކުރިވާހަކަ އިއުލާނުކޮށްފަ އެވެ. އެގޮތުން އޭނާ މި ނިންމުން ނިންމާފައިވަނީ ޢެނާގެ އަމިއްލަ މައްސަލަތަކެއް ދިމާވުމުން ކަމަށް ވަނީ ބުނެފަ އެވެ. އަދި އޭނާ އުއްމީދު ކުރަނީ އެނާގެ އާއިލަ އަދި ރައްޓެހިންގެ ފަރާތުން އޭނާގެ މި ނިންމުމަށް އެއްބާރުލުން ދިނުމަށް ކަމަށް ސަބާ ވަނީ ބުނެފަ އެވެ.
View this post on Instagram
ސަބާ ބުނެފައިވާ ގޮތުން އޭނާ ދުވަހަކުވެސް އަޒީމް ޚާނާ ބައްދަލު ނުވެއެވެ. އަދި މި ދެމީހުން ވާހަކަ ދައްކާފައިވަނީ ހަމައެކަނި ފޯނުންކަމަށްވެސް ވަނީ ބުނެފައެވެ. އެހެންނަމަވެސް މި ނިންމުމަކީ ވަރަށް އުދަނގޫ ނިންމުމެއްކަމަށް އޭނާ ވަނީ ބުނެފައެވެ.
އަޒީމް ޚާނަކީ އޮސްޓްރޭލިއާގައި ދިރިއުޅޭ ޕާކިސްތާނަށް ނިސްބަތްވާ ވިޔަފާރި ވެރިއެކެވެ.
