ބޮލީވުޑްގެ އެކްޓަރ ވިކީ ކައުޝަލް އާއި ބޫމީ ޕެޑްނޭކަރް ކޯވިޑް19އަށް ޕޮޒިޓިވްވެއްޖެ އެވެ.
މި ދެ ތަރިންވެސް މަސައްކަތް ކުރަމުން އައީ ހިންދީ ފިލްމު "މިސްޓަރް ލެލޭ" ގެ ޝޫޓިންގައެވެ. މި ވަގުތުގައި މި ދެ މީހުން ވެސް ތިބީ ގޭގައި ކަރަންޓީނުވެގެންނެވެ. މި ޚަބަރު މި ދެތަރިންވެސް ހިއްސާކޮށްފައިވަނީ އިއްޔެ އެދެމީހުންގެ އިންސްޓަގްރާމް އެކައުންޓްގައެވެ.
ބުމީ އިންސްޓްގްރާމުގައި ބުނެފައިވާ ގޮތުން އޭނާގެ ހާލު ރަނގަޅެވެ. އެހެންނަމަ ވެސް ކޮންމެެވެސް ވަރަކަށް ކޯވިޑްގެ އަލާމާތްތައް ފެންނަން ފަށާފައި ވާކަމަށާއި މިހާރު ހުރީ އެކަހެރިވެގެން ކަމަށެވެ. އަދި އޭނާ ދަނީ އޭނާގެ އާއިލާ އަދި ސިއްހީ މާހިރުންގެ ލަފާގެ މަތިން މަސައްކަތް ކުރަމުންނެވެ. މިއާ އެކު ބޫމީ ވަނީ އޭނާއާ ކޮންޓެކްޓް ވެފައިވާ އެންމެންވެސް ޓެސްޓު ހެދުމަށް ގޮވާލާފަ އެވެ.
އިތުރަށް ބޫމީ ބުނެފައިވަނީ އޭނާއަށް މިދުވަސްކޮޅު އެންމެ ބޭނުންތެރިކަމަށް ފެންނަނީ އާވި އެރުވުމާއި ވިޓަމިން ސީ އަދި އުފާވެރި މޫޑެކެވެ. އަދި އޭނާ ވަނީ މިހާރުގެ ހާލަތު އެންމެންވެސް ސީރިއަސްކޮށް ނެގުމަށާއި ސިއްހީ މާހިރުނގެ ލަފާއާ އެއްގޮތަށް މާސްކު އެޅުމާއި ގައިދުރުކަން އިޚުތިޔާރު ކުރުން ފަދަ ކަންކަން އިސްކުރުމަށް އެދިފައެވެ.
View this post on Instagram
ވިކީ ކައުޝަލްވެސް ވަނީ ހަމަ މިފަދަ ޕޯސްޓެއް ހިއްސާ ކޮށްފައެވެ. އަދި ކޮންޓެކްޓް ވެފައިވާ މީހެއް ހުރިނަމަ އަވަހަށް ޓެސްޓު ކުރުމަށް އޭނާ ވެސް ވަނީ އެދިފަ އެވެ.
View this post on Instagram
މި ދިޔަ އާދިއްތަ ދުވަހަކީ މިހާތަނަށް އިންޑިއާގައި އެންމެ ގިނައިން ކޯވިޑް ކޭސް ފެނުނު ދުވަހެވެ. އެދުވަހު އެކަނި ޖުމްލަ އެއްލައްކަ އަށްވުރެ ގިނަ މީހުން ކޯވިޑަށް ޕޮޒިޓިވް ވެފައިވާއިރު ހަމައެކަނި މަހަރަޝްޓްރާއިން އެކަނިވެސް ވަނީ 57000 މީހުން ޕޮޒިޓިވް ވެފައެވެ.
