ފެބްރުވަރީ މަހު ވައިބަވް ރޭކީއާއި ކައިވެނި ކުރި ދިއާ މިރްޒާ ވަނީ އޭނާ ބަނޑުބޮޑުކަން އިއުލާން ކޮށްފަ އެވެ.
އެގޮތުން މި އުފާވެރި ޚަބަރު އޭނާ ހިއްސާކޮށްފައިވަނީ އޭނާގެ އޮފިޝަލް އިންސްޓަގްރާމް އެކައުންޓުގައި ހިއްސާކުރީ، ރާއްޖޭގައި ހޭދެކުރި ޗުއްޓީގެ ތެރެއިން ނަގާފައިވާ ފޮޓޯއަކާ އެކުއެވެ. މި ޚަބަރު ހިއްސާ ކުރަމުން ދިއާ ބުނެފައިވަނީ އޭނާގެ ބަނޑުގައި އަށަގަންނަމުން އަންނަ ދަރިފުޅަކީ އޭނާއަށް ލެއްވި ރަހުމަތެއް ކަމުގައެވެ.
ފިރިމީހާ ވައިބަވް އާއެކު ރާއްޖޭގައި ހޭދަކުރި ހަނީމޫންގެ ތެރެއިން ނަގާފައިވާ މިފޮޓޯ ގައި ދިއާ ހުރީ އޭނާގެ "ބޭބީ ބަމްޕް"ގައި ވަރަށް ލޯބިން ހިފަހައްޓައިގެން މައްޗަށް ބަލަހައްޓައިގެންނެވެ.
View this post on Instagram
ދިއާގެ ހުރިހާ ފޭނުން މިހާރު އިންތިޒާރު ކުރަމުން ދަނީ އޭނާގެ މެޓާނިޓީ ފެޝަން ފެނިގެންދާނެ ދުވަހަކަށެވެ. ވަރަށް ގިނަ ފޭނުން އާއިލާ އަދި ރައްޓެހިންވަނީ ދިއާގެ މި ފޮޓޯއަށް ކޮމެންޓު ކޮށްފަ އެވެ. އެންމެންވެސް ވަނީ މި ދެމަފިރިންނަށް މަރުހަބާ ކިޔާފައެވެ.
ދިއާ އަދި ވައިބަވް ކައިވެނި ކޮށްފައިވަނީ މިދިއަ ފެބްރުވަރީ މަހުގެ 15 ވަނަދުވަހު، ހަމަ އެކަނި އާއިލާ އަދި ގާތް ރަހުމަތްތެރިންނާއި އެކުގައި ވަރަށް "އިންޓިމޭޓް" ހަފްލާއެއްގައެވެ. އެއަށްފަހު މި ދެމަފިރިން މީގެ ކުޑަދުވަސްކޮޅެއް ކުރިން ހަނީމޫން ހޭދަކުރީ ރާއްޖޭގެ ޖޭއޭ މަނަފަރު ރިސޯޓްގައެވެ.
