ރޫމީ ޖެފްރީ ޑައިރެކްޓު ކޮށްފައިވާ އާނަންދް ޕަންޑިތުގެ ފިލްމު "ޗެހެރޭ"އަށް ވަނީ ވަރަށް ގިނަ ބެލުންތެރިންގެ ފާޑުކިއުމުގެ އިތުރުން ތަރުހީބުވެސް ލިބިފަ އެވެ. ފިލްމުގެ ޕްރޮޑަކްޝަން ޓީމުން ފިލްމުގެ ޕޯސްޓަރާއި ޓީޒާތައް ނެރުމާއެކު މި ފިލްމު ބެލުމަށް ގިނަ ބަޔަކު ދަނީ އިންތިޒާރު ކުރަމުންނެވެ.
ފުރަބަންދަށް ފަހުގައި ފިލްމު އުފައްދާ ފަރާތްތަކުންވެސް އެންމެ އިންތިޒާރު ކުރަމުންދަނީ 2021 ވަނަ އަހަރު ފިލްމުތައް ނެރޭނެ ދުވަހަކަށެވެ. ތިއޭޓަރުތަކާއި ސިނަމާތައް އެއްވެސް މައްސަލަތަކެއް ކުރިމަތިވުމަކާ ނުލާ ހިނގަމުން ދިޔަޔަސް އިންޑިއާގައި ކޮވިޑް 19ގެ ކޭސްތައް އިތުރުވާން ފެށުމާއިއެކު އާނަންދް ޕަންޑިތު މޯޝަން ޕިކްޗާސްއިން ވަނީ "ޗެހެރޭ" ރިލީސްކުރާ ދުވަސް ފަސްކޮށްލާފަ އެވެ.
މި ފިލްމުގައި ލީޑު ރޯލުން ފެނިގެންދާނީ އަމީތާބް ބައްޗަން އާއި އިމްރާން ހާޝިމީއެވެ. ފިލްމު އެންމެ ފުރަތަމަ ރިލީސް ކުރަން ހަމަޖެހިފައި އޮތީ 09 އެޕްރީލް 2021 ގައެވެ. އެހެންނަމަވެސް މިހާރު އައިި ބަދަލުތަކާ އެކުގައި އަލުން މި ފިލްމު ރިލީސްކުިރާން ތާރީހެއް އަދި އާންމުކޮށްފައެއް ނުވެއެެވެ.
މިކަމާ ގުޅިގެން މި ފިލްމުގެ ލީޑުރޯލުން ފެނިގެން ދާ އިމްރާން ހާޝިމީވެސް ވަނީ ޓްވީޓް ކޮށްފަ އެވެ.
The well-being of our very own audience is of utmost importance to us.
We are extremely humbled by the love and support that we have received this far. See you in the cinemas soon.
Until then, stay safe!
– Team #Chehre pic.twitter.com/TDKpeCRtgC— Emraan Hashmi (@emraanhashmi) March 30, 2021
އެގޮތުން އޭނާގެ އުއްމީދަކީވެސް ވީހާވެސް އަވަހަށް މި ފިލްމު ރިލީސްކުރެވުން ކަމަށް އޭނާ ވަނީ ބުނެފައެވެ. އަދި މި ވަގުތު އެންމެ މުހިންމީ އެންމެންގެވެސް ރައްކާތެރިކަން ކަމަށް އިމްރާން ބުނެފައިވެ އެވެ.
