މީރާ ރާޖްޕުތު އަދި ޝާހިދް ކަޕޫރު ކައިވެނި ކޮށްގެން އުޅޭތާ މިހާރު 6 އަހަރު ވެއްޖެއެވެ. ޝާހިދާއި މީރާ ކައިވެނި ކުރުމުގެ ކުރިން ޝާހިދުވަނީ ފިލްމީ ދާއިރާއިން އެހެން ތަރިންނާއި ލޯބީގެ ގޮތުން ގުޅިގެން އުޅެފަ އެވެ. އެހެންނަމަވެސް ބެލުންތެރިންނަށް އެނގެނީ ޝާހިދްގެ ކުރީގެ ލޯބިވެރިންގެ ތެރެއިން އެންމެ ދެ މީހުންނާއެވެ.
އެންމެ ގިނަ ދުވަހު ޝާހިދު ރައްޓެހިވެގެން އުޅުނީ ކަރީނާ ކަޕޫރާއެވެ. ކަރީނާ ކަޕޫރު މިހާރު ކައިވެނި ކޮށްގެން އުޅެނީ ސައިފް އަލީ ޚާނާއެވެ. ޝާހިދާއި ޕްރިޔަންކާ ޗޯޕްރާއާ ދެމީހުންވެސް ލޯބީގެ ގޮތުން ގުޅިގެން އުޅުނު ކަމުގެއަޑުވަނީ ފެތުރިފައެވެ. ޝާހިދުގެ އަންހެނުން މީރާ ރާޖްޕުތު ޝާހިދުގެ ކުރީގެ ލޯބީގެ ގުޅުންތަކުގެ ވާހަކަ އެއްވެސް ގޮތަކަށް ބެލުންތެރިންނާ ހިއްސާކޮށް، އެވާހަކަތައް ދާއްކާނޫޅެއެވެ.
އެހެންނަމަވެސް ޝާހިދު ލޯބީގެ ގޮތުން ގުޅިގެން އުޅުނު މީހުންގެ ތެރެއިން މީރާ އެންމެ ފޫހިވަނި ކާކުދެކެތޯ މިއީ ވަރަށް ގިނައިން ބެލުންތެރިން މީރާއާއި ކުރަމުން އަންނަ ސުވާލެކެވެ. މިފަދަ އެއްވެސް ފަހަރެއްގައި މީރާ އެއްވެސް މީހެއްގެ ނަމެއް ބުނެފައެއް ނުވެއެވެ. އަދި އޭނާ ބުނެފައިވަނީ ޝާހިދު ކުރިން ރައްޓެހިވެފައިވަނީ އޭނާ ދަންނަ ފިލްމީ ތަރިންނާ ކަމަށާއި އެއިން އެއްވެސް މީހެއް ދެކެ އޭނާ ފޫހި ނުވާ ކަމަށެވެ. އެއާ ހިލާފަށް އޭނާ ދެކޭ ގޮތުގައި މި ތަރިންނަކީވެސް ހަމަ ގާބިލު ކާމިޔާބު މީހުން ކަމަށް މީރާ ވަނީ ބުނެފައެވެ.
View this post on Instagram
ބޮލީވުޑްގައި އުޅޭ "ފޭކު ރައްޓެހިން"ނަކީ ކޮބައިތޯ މީރާއާއި ސުވާލު ކުރުމުން މީރާ ބުނެފައިވަނީ އެންމެންނަކީވެސް ފޭކު ރައްޓެހިންކަމަށެވެ. އަދި އޭނާ ބުނެފައިވަނީ މި ދާއިރާގައި އުޅޭ އެންމެނަނަކީވެސް ދެން ހުންނަ މީހާގެ އެންމެ ގާތް އެކުވެރިޔާކަމަށް ހެދިގެން އުޅޭ މީހުންނެވެ. އަދި މިކަން އިންސްޓްގްރާމު ބަލައިލުމުން އިނގޭނެ ކަމަށެވެ.
