ބާރުގަދަ ކޮޅިގަނޑެއްގައި ގއ.އަތޮޅު ޕާކް ހަޔަޓް މޯލްޑިވްސް ހަދަހާ ރިސޯޓްގެ ފައްތިޔަލުގައި އަޅާފައިވާ ލޯންޗެއް ބަންޑުން ޖަހާލައިފި އެވެ.
އެމްއެންޑީއެފުން ބުނީ މި ހާދިސާގައި އެއްވެސް މީހަކަށް ގެއްލުމެއް ލިބިފައި ނުވާކަމަށާއި ހާދިސާގެ ރިޕޯޓް ލިބިފައި ވަނީ ރޭ 21:48 ގައި ކަމަށެވެ.
ރޭ އައި ބާރުގަދަ ކޮޅިގަންޑެއްގައި ލޯންޗު ބަންޑުންޖަހާލި އިރު ލޯންޗު އޮތީ ރިސޯޓުގެ ބޭރު ޖެޓީ ފައްތިޔަލުގައި އަޅާފައި ކަމަށްވެސް އެމްއެންޑީއެފުން ބުނެއެވެ.
Raajje ah kuramundhaa vissaraiga GA. Atoll Park Hyatt Maldives Hadahaa, resort ge beyru jetty fahthiyalugai alhaafai oiy launch eh, bandun jahaalaigen, MNDF SA Coast Guard Squadron in eheetherikan foarukohdheyn fashaifi. Mi kamuge report libifaivanee rey 21:58 haairu. pic.twitter.com/RrWnICHPjX
— Maldives National Defence Force (@MNDF_Official) March 30, 2021
ރާއްޖެ ސަރަހައްދުގައި މިހާރު އުފެދިފައިވާ ކޮޅިގަނޑުގެ ސަބަބުން ފާއިތުވި48 ގަޑީރުގެތެރޭ ރާއްޖޭގެ އެކި ހިސާބުތަކަށް މޫސުން ގޯސްވެ ގަދަ ވަޔާއެކު ބޯކޮށް ވާރޭވެހި ބައެއް ރަށްރަށަށް އުދަ އަރާފައިވެސް ވެއެވެ.
ނަމަވެސް މި ކޮޅިގަނޑު ރާއްޖެއާ ދުރަށް ހުޅަނގު އުތަުރަށް ޖެހެމުންދާތީ، މިއަދުންފެށިގެން ރާއްޖެ ސަރަހައްދުގައި މޫސުން ރަނގަޅުވަމުން ދާނެކަމަށްވެސް މޫސުމާބެހޭ ގައުމީ އިދާރާއިން ވަނީ ބުނެފައެވެ. އެގޮތުން ކުރިއަށް އޮތް24 ގަޑިއިރު މެދުރާއްޖެތެރެ އާއި އުތުރުގެ އެކިހިސާބަށް ވިއްސާރަކުރުމާއެކު ގުގުރައި، ދެކުނުގެ އަތޮޅުތަކަށް ގުގުރުމާއެކު ކެރީގެ އަސަރުފޯރުން އެކަށީގެންވާކަމަށް މެޓް އޮފީހުން ބުނެއެވެ.
މީގެ އިތުރުން، އުތުރުގެ އަތޮޅުތަކަށް އިރުދެކުނާއި ދެކުނުން ގަޑިއަކު 03 މޭލާއި 13 މޭލާ ދެމެދުގެ ބާރުމިނުގައި، މެދުރާއްޖެތެރޭގެ އަތޮޅުތަކަށް ހުޅަނގުދެކުނާއި ހުޅަނގުން ގަޑިއަކު 08 މޭލާއި 18 މޭލާ ދެމެދުގެ ބާރުމިނުގައި އަދި ދެކުނުގެ އަތޮޅުތަކަށް ހުޅަނގާއި ހުޅަނގުއުތުރުން ގަޑިއަކު 15 މޭލާއި 25 މޭލާ ދެމެދުގެ ބާރުމިނުގައި ވައި ޖެހޭނެ ކަމަށްވެސް މެޓް އޮފީހުން ލަފާކުރެއެވެ. އަދި ވިލާގަނޑުގައި ގަޑިއަކު ގާތްގަނޑަކަށް 40 މޭލަށް ވައި ގަދަވުން އެކަށީގެން ވާކަމަށްވެސް މޫސުމާބެހޭ ގައުމީ އިދާރާއިން ބުނެއެވެ.
