މިހާރު ރާއްޖެއަށް ކުރަމުންދާ ވިއްސާރައިގައި ދެކުނުގެ ބައެއް ރަށްރަށަށް ގެއްލުން ލިބުމާ ގުޅިގެން އެހީތެރިކަން ފޯރުކޮށްދިނުމުގެ މަސައްކަތް އެމްއެންޑީއެފް ސަދަން އޭރިއާގެ ސިފައިން ފަށައިފި އެވެ.
ފާއިތުވި 24 ގަޑިއިރު ރާއްޖޭގެ ދެކުނަށް ކުރި ވިއްސާރާގައި ފުވައްމުލައް ސިޓީ އާއި އައްޑޫ ސިޓީގެ ބައެއް ރަށްރަށުގައި ގޭގޭގެ ފުރާޅު އެއްލާލުމާއި ފެން ބޮޑުވުމާއި ގަސްތައް ވެއްޓުންފަދަ ބައެއް ހާދިސާތައް ވަނީ ހިގާފައެވެ. މިގޮތުން ފުވައްމުލަކުގައި ފެން ބޮޑުވެގެން ބައެއް ގޭގެއަށް ފެންވަނާތީ އެމްއެންޑީއެފް ސަދަން އޭރިއާގެ ސިފައިން 89 ގެއެއްގައި ވެލިބަސްތާ ޖަހައިދީފައި ވާކަމަށް އެމްއެންޑީއެފުން ބުނެއެވެ. އަދި ވައި ގަދަވެ ފުވައްމުލައް ސިޓީގެ 5 ގޯއްޗެއްގައި ހުރި ރުއް ވެއްޓުމާ ގުޅިގެން އެ ރުއްތައް ނެގުމުގެ މަސައްކަތް ވެސް ސިފައިން ދަނީ ކުރަމުންނެވެ.
Mihaaru raajje ah kuramundhaa vissaaraigai Addu City ge baeh rahrashaai, Fuvahmulah City ah gellun libumaai gulhigen MNDF Southern Area ge sifain eheetherikan foarukohdhinumugai harakaaiytherivanee. pic.twitter.com/cTeNfyjZfM
— Maldives National Defence Force (@MNDF_Official) March 29, 2021
މީގެ އިތުރުން އައްޑޫ ސިޓީގެ 3 ރަށަކަށް މި ވިއްސާރާގެ ސަބަބުން އެކި ގެއްލުންތައް ވެފައިވާއިރު ސ.ފޭދޫ 2 ގެއެއްގެ ފުރާޅު އެއްލާލުމާ ގުޅިގެން ފުރާޅު މަރާމާތްކުރުމުގެ މަސައްކަތާއި އެގޭގޭގައި ފެން ބޮޑުވުމާ ގުޅިގެން ވެލި ބަސްތޖެހުމުގެ މަސައްކަތް ވެސް ސިފައިން ދަނީ ކުރަމުންނެވެ. ހަމަ އެހެންމެ ސ. ހިތަދޫގެ ގެއްގެ ފުރާޅު އެއްލާލުމާ ގުޅިގެން ފުރާޅު މަރާމާތު ކުރުމާއި 4 ގެއެއްގެ ގޯތިތެރޭގައި ހުރި ގަސްވެއްޓުމާ ގުޅިގެން ގަސްތައް ނެގުމު މަސައްކަތުގެ އިތުރުން 2 ގެއަކަށް ފެން ވަންނަ ކަމުގެ ރިޕޯޓް ލިބިގެން އެ ގޭތަކުގައި ވެލިބަސްތާ ޖެހުމުގެ މަސައްކަތުގައި ވެސް ސިފައިން އެހީތެރިވެދީފައި ވާކަމަށް އެމްއެންޑީއެފުން ބުނެއެވެ.
މިހާރު ރާއްޖެއަށް ކުރަމުންދާ ވިއްސާރައިގައި ރާއްޖޭގެ އެކި ރަށްރަށަށް ލިބެމުންދާ ގެއްލުންތަކުން އަރައިގަތުމަށް ސިފައިން ގެންދަނީ ރާއްޖޭގެ އެކި ކަންކޮޅުތަކުގައި ހަރަކާތްތެރިވަމުންނެވެ. އެގޮތުން ޅ. ހިންނަވަރަށް އުދައަރާ ރަށުގައި ފެންބޮޑުވުމުން ރަށުން ފެން ހިންދުމަށާއި ގޭގެއަށް ފެން ނުވަންނާގޮތް ހެދުމަށްވެސް އެމްއެންޑީއެފުން ގެންދަނީ ހަރަކާތްތެރިވަމުންނެވެ.
