ރާއްޖެއަށް މިދުވަސްވަރު ކުރަމުން އަންނަ ވިއްސާރާގައި ޅ. ހިންނަވަރަށް އުދަ އަރާ ގެއްލުންތަކެއް ލިބިއްޖެ އެވެ.
އެމްއެންޑީއެފުން ބުނީ ހިންނަވަރަށް އުދައަަރާ ބައެއް ހިސާބުރަކުގައި ފެންބޮޑުވެފައި ވާތީ އެމްއެންޑީއެފްގެ ނޯދަން އޭރިއާ ކޮމާންޑުން ހަރަކާތްތެރިވާން ފަށާފައި ވާކަމަށެވެ. އަދި އެކަމުގެ މައުލޫމާތު އެމްއެންޑީއެފަށް ލިބިފައިވަނީ މިއަދު މެންދުރު 12:26 ހާއިރު ކަމަށް އެމްއެންޑީއެފުން ބުނެއެވެ.
އެރަށުން ވާހަކަ ދެއްކި މީހަކު ބުނީ މިއަދު ހެންދުނުން ފެށިގެން ރަށުގެ އުތުރާއި ދެކުނުން އުދަ އަރައި ރަށުގެ ތެރެއަށް ލޮނުގަނޑު ފެތުރިފައިވާ ކަމަށެވެ.
Hinnavaru haalathu vara goas. Stay safe all family members. pic.twitter.com/uJIu0J9XNt
— αհʍεδ ɾαςհεεδ (@rashydahmed) March 29, 2021
ރަށުގައި ބޮޑުވެފައި ވާ ފެންގަނޑު ހިންދުމާއި ގޭގެއަށް ފެންނުވަންނާނެހެން ވެލިބަސްތާ ޖެއްސުމުގެ މަސައްކަތް އެމްއެންޑީއެފާއި ކައުންސިލާއި ފުލުހުން ގުޅިގެން މިހާރު ގެންދަނީ ކުރަމުންނެވެ.
މޫސުމާބެހޭ ގައުމީ އިދާރާގެ އިތުރުން އެމްއެންޑީފުންވެސް ވަނީ މިދުވަސްވަރު ރާއްޖޭގެ މޫސުން ގޯސްވުމުގެ ސަބަބުން މޫސުމަށް ސަމާލުކަން ދިނުމަށް އިލްތިމާސްކޮށްފަ އެވެ. އެގޮތުން މިދުވަސްވަރު ވިލާގަނޑުގައި ވައި ގަދަވާތީ އެކަމަށް އެންމެންވެސް ހާއްސަ ސަމާލުކަމެއް ދިނުމަށް ކަމާބެހޭ ފަރާތްތަކުން ގެންދަނީ އިލްތިމާސް ކުރަމުންނެވެ.
މޫސުން ގޯސްވުމުގެ ސަބަބުން މިއަދު މިހާތަނަށްވެސް ރާއްޖޭގެ އެކި ސަރަހައްދުތަކުގައި އެކިއެކި ހާދިސާތަށް ހިނގާފައިވެއެވެ.
