ދީޕިކާ ޕަޑްކޯ އެންމެފަހުން ބެލުންތެރިނަށް ފެނިގެންދިޔަ ފިލްމް "ޗަޕާކް"ގެ ތަރި ވިކްރާންތު މަސޭ ކޯވިޑަށް ޕޮޒިޓިވް ވެއްޖެއެވެ. ވިކްރާންތު ވަނީ އޭނާ ކޯވިޑަށް ޕޮޒިޓިވް ވެފައި ވާކަމަށް ބުނެ އިއްޔެ އިސްޓަގްރާމްގައި ޕޯސްޓެއް ކޮށްފަ އެވެ.
އޭނާ ބުނެފައިވަނީ ރައްކާތެރިކަމުގެ ހުރިހާ ފިޔަވަޅަކާ އެކު މަސައްކަތް ކުރަނިކޮށް ޕޮޒިޓިވް ވެފައި ވާކަމަށާއި މި ވަގުތު ސެލްފް ކަރަންޓީނުގައި ހުރިކަމަށެވެ. އަދި އޭނާއާ ބައްދަލުވެފައިވާ އެންމެން ވެސް އަވަހަށް ޓެސްޓު ކުރުމަށް ވިކްރާންތު ވަނީ ބުނެފަ އެވެ.
View this post on Instagram
މި ފާއިތުވި 2 ހަފްތާއެއްހާ ދުވަސް ތެރޭގައި ބޮލީވުޑްގެ ގިނަ ތަރިންތަކެއް ކޯވިޑް 19އަށް ޕޮޒިޓިވް ވުމުގެ ރިޕޯޓްތައް ވަނީ ލިބިފަ އެވެ. އޭގެތެރޭގައު އާމިރް ޚާން، ޕަރޭޝް ރާވަލް، އާރް މާދަވަން، ކާތިކް އާރިޔާން، ސިދާންތު ޗަތުރުވެދީ އަދި ޑައިރެކްޓާރ ސަންޖޭ ލީލާ ބަންސާލީގެ އިތުރުން ވެސް އެތައް ތަރިންނެއް ވަނީ ޕޮޒިޓިވްވެފަ އެވެ.
ވިކްރާންތު ގެ ކުރިއަށް އޮތް ފިލްމަކީ "ލަވް ހޮސްޓެލް" އެވެ. މީގެ އިތުރުން އޭނާ ދަނީ "ސްވިޗް" ކިޔާ ޑްރާމާއެއްގެ މަސައްކަތް ވެސް ކުރަމުންނެވެ.
