ކޮރޯނާ ވައިރަހުން ރައްކާތެރިވުމުގެ ގޮތުން ވެކްސިން ޖެހިތާ ދެހަފްތާ ފަހުން ބޮލީވުޑްގެ ތަރި ޕްރޭޝް ރާވަލް ކޯވިޑަށް ޕޮޒިޓިވް ވެއްޖެއެވެ.
ހުކުރު ދުވަހު ހިއްސާކުރި ޕޯސްޓެއްގައި ޕަރޭޝް ބުނެފައިވަނީ ކޯވިޑަށް ޕޮޒިޓިވް ވެފައި ވާކަމަށެވެ.
މިކަން ހިއްސާ ކުރުމާއި ގުޅިގެން އިންޑަސްޓްރީގެ ގިނަބަޔަކު ވަނީ އަވަސް ޝިފާ އަކަށް އެދި މެސެޖުތަށް ފޮނުވާފައިއެވެ. އޭގެ ތެރޭގައި އެކްޓަރުންނާއި ޑައިރެކްޓަރުން ހިމެނެއެވެ.
ޕަރޭޝް ވެކްސިން ޖަހާފައިވަނީ މާރިޗު މަހުގެ9 ވަނަ ދުވަހުއެވެ. އޭނާ ވަނީ ވެކްސިން ޖެހުމަށް ފަހު ޓްވީޓަކުން އެކަން އިއުލާންކޮށްފަ އެވެ.
V for vaccines. ! Thanks to All the Doctors and Nurses and the front line Health care workers and The Scientists. ?Thanks @narendramodi pic.twitter.com/UC9BSWz0XF
— Paresh Rawal (@SirPareshRawal) March 9, 2021
ފިލްމީ ތަރިއެއްގެ އިތުރުން ޕަރޭޝް އަކީ އިންޑިއާގެ ގާނޫނު ހަދާ މަޖިލީހުގެ ތިރިގޭގެ މެމްބަރެއްވެސް މެއެވެ.
ފިލްމީ ދާއިރާއިން ޕަރޭޝް މިހާރު ކުރިއަށްގެންދާ މަސައްކަތަކީ "ޝަރްމާޖީ ނަމްކީން" އެވެ. މިއީ ރިޝީކަޕޫރު މަރުވުމުގެ ކުރިން އޭނާ ބައެއް މަންޒަރުތަށް ނަގާފައިވާ ފިލްމެކެވެ. ޕަރޭޝް ފެނިގެންދާނީ ރިޝީ އޭރު ކުޅުނު ރޯލުންނެވެ.
މި ފިލްމު ޕްރޮޑިއުސް ކުރަނީ ރިތޭޝް ޝިދްވާނީ އާއި ފަރްހާން އަހްތަރުއެވެ. މި ފިލްމުގެ ޑައިރެކްޓަރަކީ ހިތޭޝް ބާޓިއާއެވެ.
ބޮލީވުޑްގެ ގިނަ ތަރިންތަކެއް ދަނީ ކޯވީޑް19 އަށް ޕޮޒިޓިވް ވަމުންނެވެ. އޭގެ ތެރޭގައި އާރް މާދަވަން، އާމިރް ހާން، ރަންބީރު ކަޕޫރު، ކާތިކް އާރިޔާން، މަނޯޖް ބާޖްޕާއީ އަދި ޝަތިޝް ކައުޝިކް ހިމެނެއެވެ. މި ތަރިންނަކީ މި ފަހުން ބޮލީވުޑުން ކޯވިޑް19 އަށް ޕޮޒިޓިވްވި ބައެއް ތަރިންނެވެ.
