އިންޑިއާގައި މިހާރު ކޯވިޑް19ގެ ހާލަތު ދުވަހެއް ދުވަހަކަށް ގޯސްވަމުންދާއިރު، ބޮލީވުޑަށްވެސް މިކަމުގެ އަސަރު ދަނީ ވަރަށްބޮޑަށް ކުރަމުންނެވެ. ދުވަހެއް ދުވަހަކަށް ފިލްމީ ތަރިން ޕޮޒިޓިވްވާ އަދަދު މަތިވަމުން ދާއިރު މި ނިމުނު ހަފްތާގެ ފަހުކޮޅު އާމިރް ޚާން ވަނީ ކޯވިޑަށް ޕޮޒިޓިވް ވެފައެވެ.
ބުދަ ދުވަހު އާމިރް ޚާން ޕޮޒިޓިވް ވީކަން އިންޑިއާގެ ފިލްމީ ޚަބަރު ގެނެސްދޭ ނޫސްތަކުން ރިޕޯޓްކޮށްފައި ވާއިރު، އޭނާ މިހާރު ގެންދަނީ އަމިއްލަގޭގައި ކަރަންޓީން ފުރިހަމަ ކުރަމުންނެވެ.
އާމިރަށް ފަހު އޭނައާއެކު ކާމިޔާބު ފިލްމް "ތްރީ އިޑިއަޓް" ގައި މަސައްކަތްކުރި އާރް މާދަވަން ކޯވިޑަށް ޕޮޒިޓިވްވީކަން އިއްޔެ ވަނީ ހާމަކޮށްފައެވެ. މާދަވަން ކޯވިޑަށް ޕޮޒިޓިވްވީކަން ހާމަކުރުމަށް ފިލްމް "ތްރީ އިޑިއަޓް" އާ ގުޅުވައިގެން އޭނާ ކޮށްފައި ވަނީ އެންމެން ސަމާލުކަން ދަމައިގަތް ޓްވީޓެކެވެ.
Farhan HAS to follow Rancho and Virus has always been after us BUT this time he bloody caught up. ????BUT-ALL IS WELL and the Covid? will be in the Well soon. Though this is one place we don’t want Raju in??. Thank you for all the love ❤️❤️I am recuperating well.??? pic.twitter.com/xRWAeiPxP4
— Ranganathan Madhavan (@ActorMadhavan) March 25, 2021
މާދަވަންގެ އިތުރުން އިއްޔެވަނީ މިލިންދް ސޯމަން ވެސް ކޯވިޑަށް ޕޮޒިޓިވް ވެފައެވެ. އޭނާވެސް ޕޮޒިޓިވް ވީކަމާއި ކަރަންޓީނުގައި ހުރިކަން ހާމަކުރީ ކުރު ޓްވީޓަކުންނެވެ.
ބޮލީވުޑްގެ ގިނަ ތަރިންތަކެއް ފާއިތުވި ދެތިން ހަފްތާގެ ތެރޭގައި ކޯވިޑަށް ވަނީ ޕޮޒިޓިވް ވެފައެވެ. އޭގެތެރޭގައ ިކާތިކް އާރިޔަން، ތާރާ ސުތާރިއާ، ސިއްދާންތު ޗަތުރުވެދީ، މަނޯޖް ބަޖްޕާއީ އަދި ރަންބީރު ކަޕޫރު ހިމެނެއެވެ.
