ޤާނޫނީ ވަކީލުނަކީ އަބަދުވެސް ފަންނީ ޤާބިލްކަމާއި، އިލްމީ ޤާބިލްކަން ހޯދުމަށް މަސައްކަތް ކުރަންޖެހޭ ބަޔަކަށް ވާންޖެހޭ ކަމުގައި ބާކައުންސިލްގެ އާންމު މެމްބަރު ޑރ.މުހައްމަދު މުނައްވަރު ވިދާޅުވެއްޖެއެވެ.
ޤާނޫނީ ވަކީލުންގެ ހުއްދަ ބާއުސިލުން ދެއްވި ފުރަތަމަ ރަސްމިއްޔާތުގައި ޒޫމް މެދުވެރިކޮށް ވާހަކަ ފުޅު ދައްކަވަމުން ޤާނޫނީ ދާއިރާގައި ގިނަ ދުވަސްތަކެއް ވަންދެން ޙިދުމަތް ކުރެއްވުމުގައި ދެމި ހުންނެވި ޑރ.މުނައްވަރު ވިދާޅުވީ މިފަންނަކީ ވަރަށް މުހިންމު ފަންނެއްކަމަށެވެ. އަދ މިއަދު ޤާނޫނީ ހުވާކުރެއްވި ވަކީލުން ހުވާކުރެއްވީ ޤާނޫނު އަސާސީ ދަމަހައްޓައި، އިސްލާމް ދީނަށް ހުރުމަތްތިކޮށް ހިތައި ޤައުމަށް ޙިދުމަތްކުރުމަށް ކަމުގައެވެ.
ޤާނޫނީ ވަކީލުން އަދާކުރަނީ ޤާނޫނުލިޔާ އަދި ގާނޫނު ހަދާ، ތަންފީޒުކުރާ ވަޒީފާއަކަށްވިޔަސް، އަދި އެނޫން މަސައްކަތެއް ވިޔަސް މީހާގެ ކިބައިގައި އެވަރުގެ ފެންވަރެއް ހުންނަންޖެހޭ. ޚާއްސަކޮށް އަހުލާގާއި، ހަރުދަނާކަން ނެތްނަމަ އެމީހަކަށް ކުރިއަށް ދިއުމަށް ވަރަށް އުދަނގޫވާނެ. ވަރަށް ގިނަ މީހުންނަކީ ވަރަށް ފުޅާދާއިރާއެއްގައި ހިޔާލް ފަޅުކުރާ ބަޔަކަށްބާއިރު، އަޅުގަނޑުމެން ވަކީލުންގެ ތެރޭގައި އަހުލާގާއި ސުލޫކު ހިފަހައްޓަންޖެހޭ.
– ބާކައުންސިލްގެ އާންމު މެމްބަރުން ޑރ.މުހައްމަދު މުނައްވަރު
މުނައްވަރު ވިދާޅުވަނީ މިއަދު ހުވާކުރެއްވި ޤާނޫނީ ވަކީލުންނަށްވެސް އަދި މިހާރު ތިއްބެވި ޤާނޫނީ ވަކީލުންނަށްވެސް ޢިލްމީ ޤާބިލްކަން އިތުރުކުރުމުގައި ދެމިތިބުމަށް ނަސޭކަތްތެރިވެފައެވެ. މިދާއިރާގައި ކިތަންމެ ގިނަ ދުވަހަކު ހިދުމަތް ކުރިކަމުގައި ވީނަމަވެސް އަދި ހިދުމަތް ދެމުންދިޔަ ކަމުގައިވީނަމަވެސް އަބަދުވެސް އިލްމު އިތުރުކޮށް އުގެނުމަށް މަަސައްކަތް ކުރުމަށް މުނައްވަރު ވަނީ ގޮވާލާފައެވެ.
މިފަންނުގައި މަސައްކަތް ކުރާހާ ދުވަހު އަމިއްލަ މައުލޫމާތު މުއްސަދިކޮށް ދަމަހައްޓަންޖެހޭ. މަސައްކަތުގެ މާހައުލުގެ ތަޖުރިބާ އާއި އެނޫން ދާއިރާތަކުުންވެސް ކަންކަން ހިނގާގޮތް ދަސްކުރަންޖެހޭނެ. ހަމައެހެންމެ އިލްމީ ޤާބިލްކަން ދަމަހައްޓަންޖެހޭނެ. ފަންނުގައި ކިތަންމެ ދުވަހެއް ވިޔަސް އަދި ކިތަންމެ އަހަރަކު މަސައްކަތް ކުރެއްވިޔަސް އިލްމީ ޤާބިލްކަން އިތުރުކުރަންޖެހޭ. ޤައުމުގައި ކުރެވޭ މުހިުންމު ބަހުސްތަކުގައި ވަކާލާތު ކުރަންޖެހޭ، ޤާނޫނީ އަދި ޝަރުއީ މައްސަލަތައް އެގެންޖެހޭ. ދުނިޔޭގައި ހިނގާ މުހިންމު ކަންކަން އެގެންޖެހޭ.
– ބާކައުންސިލްގެ އާންމު މެމްބަރުން ޑރ.މުހައްމަދު މުނައްވަރު
މިއަދު ބޭއްވި ހުވާކުުރުމުގެ ރަސްމިއްޔަތަކީ ބާކައުންސިލްގެ ތާރީހުގައިވެސް އެކައުންސިލުން ހުއްދަދީގެން ޤާނޫނީ ވަކީލުންގެ ހުވާކުރެވުނު ފުރަތަމަ ފަހަރެވެ. ކޯވިޑް19 އާއި ގުޅިގެން އޮންލައިންކޮށް ބޭއްވި މިޖަލްސާގައި ބާކައުންސިލާއި، ސްޕްރީމް ކޯޓާއި އަދި އެނޫން ކޯޓުތަކުގެ ފަނޑިޔާރުންވެސް ބައިވެރިވެފައި ވެއެވެ. މިއަދު ހުވާކުރެއްވި ބޭފުުޅުންނަށް ހުވާ ލައިދެއްވީ ހައިކޯޓުގެ ފަޑިޔާރު މުހައްމަދު ނިޔާޒު އެވެ.
ކޮމެންޓު ފޮނުވާ