އައިޝްވަަރިއާ ރާއީ އަކީ ހުނަރިވެރި ފިލްމީތަރިއެއްގެ އިތުރުން، ހީވާގި ދަނބިދަރިއެކެވެ. އުމުރުން ނުވަ އަހަރުގެ އަންހެން ކުއްޖެއްގެ އޯގާތެރި މަންމައެކެވެ.
އައިޝްވާރިއާ އޭނާގެ މައިވަންތަ ކަމުގެ މަސްއޫލިއްޔަތު އަދާކުރުމަށް ދުވަހަކުވެސް ފަސްޖެހިފައެެއް ނުވެއެވެ. މަންމައަކަށް ވުމުން ފަޚުރުވެރިވާ ކަމަށް ބުނަމުން އައިޝްވާރިއާ ބުނެފައިވަނީ އޭނާގެ ދިރިއުޅުމުގަ އެންމެ މުހިންމީ އޭނާގެ ދަރިފުޅު ކަމަށެވެ.
އޭނާވަނީ ކުޅަދާނަކަމާއި އެކުގައި ދަރިފުޅުގެ ހުރިހާ ކަމެއް ކުރަމުން، މަސައްކަތުގެ އިތުރުން ދިރިއުޅުމުގެ ހުރިހާކަމެއް ފުރިހަމައަށް އަދާކޮށްފަ އެވެ.
މީގެ ކުރިން ދިން އިންޓަވިއުއެއްގައި ވާހަކަ ދައްކަމުން އައިޝްވާރިއާ ބުނެފައިވަނީ ދަރިފުޅު އަރަދަޔާ ލިބުނު ފަހުން ހުރިހާ ކަމަކަށް ވުރެން މުހިންމީ ދަރިފުޅު ކަމަށެވެ. އަރަދަޔާގެ ނޭނީ އެއް ހުރިނަމަވެސް އަރަދަޔާގެ ހުރިހާ ކަމެއްވެސް ކުރަނީ އައިޝްވާރިއާ އަމިއްލައަށެވެ. އަދި ވަރަަށް ގިނަ މީހުން އޭނާކައިރީގައި އިތުރު ނޭނީއެއް ހޯދުމަށް ބުނާ ކަމަށްވެސް އައިޝްވާރިއާވަނީ ބުނެފައެވެ.
View this post on Instagram
ފިލްމީ މަސައްކަތަށް ބަލާއިރު އައިޝްވާރިއާ މިހާރު މަސައްކަތް ކުރަމުންދަނީ ޑައިރެކްޓަރ މަނީ ރަޓްނަމްގެ ތަމަޅަ ފިލްމެއް ކަމަށްވާ “ޕޮނިޔިން ސެލްވަން” ގައެވެ. މި ފިލްމުގައި އައިޝްވާރިއާގެ އިތުރުން ޗިޔާން ވިކްރަމް، ޓްރިޝާ، ޖަޔަމް ރަވީ، ވިކްރަމް ޕްރަބޫ އަދި ސަރަތް ކުމާރް ފެނިގެންދާނެއެވެ.
