ޝްރައްދާ ކަޕޫރު އަނެއްކާވެސް ޗުއްޓީ ހޭދަކުރުމަށް ރާއްޖެއަށް އަތުވެއްޖެ އެވެ. ޝްރައްދާގެ ދެބެންގެ ދެދަރި ކުއްޖެއް ކަމަށްވާ ޕްރިޔާންކެ ކައިވެނި ފާހަގަ ކުރުމަށްޓަކައި މިމަހުގެ ކުރީކޮޅުވެސް މުޅި އާއިލާ ރާއްޖެ އަށް ވަނީ އައިސްފައެވެ.
ޝްރައްދާ އޭރު ރާއްޖޭގައި އުޅުމަށްފަހު މުމްބާއީއަށް ދިޔައީ އޭނާގެ މަންމަގެ އުފަންދުވަސް ފާހަގަ ކުރުމަށެވެ.
ޝްރައްދާ އަދި އޭނާގެ ބައްޕަ ޝަކްތީ ކަޕޫރު އަދި މަންމަ ޝިވާންގީ ރާއްޖެ އައިސްފައިވަނީ އިއްޔެގެ ވަގުތެއްގައެވެ. މި ޗުއްޓީގައި އެނާގެ ބޭބެ ސިދާތު ކަޕޫރަކަށް ބައިވެރިއެއް ނުވެވުނެވެ. އަދި ޝްރައްދާ ވަނީ އޭނާގެ ބޭބެ މަތިން ވަރަށް ހަދާންވާކަމަށް އެނާގެ އިންސްޓަގްރާމުގައި ހިއްސާ ކުރި ސްޓޯރީއެއްގައި ބުނެފައެވެ.
ޝްރައްދާ ވަނީ އޭނާގެ ވަރަށް ރީތި ސެލްފީއެއް ބެލުންތެރިންނާއި ހިއްސާ ކޮށްފަ އެވެ. މި ފޮޓޯ އިން ރާއްޖޭގެ ރީތި ދޮންވެލި ގޮނޑުދޮށް އަދި ނޫކުލަ ގަދަ އުޑުގެ މަންޒަރު ވަރަށް ރީތިކޮށް ފެނިގެންދެ އެވެ. މި ފޯޓޯގައި ޝްރައްދާ ލައިގެން ހުރީ މާޖެހި ހުދު ކުލައިގެ ހެދުމެކެވެ. ވަޔާ އެކު އިސްތަށިގަނޑު ވިހުރޭ މަންޒަރު ދައްކައިދޭ މި ފޮޓޯ ވަރަށްވެސް ހިތްގައިމެވެ.
View this post on Instagram
ޝްރައްދާ އެންމެ ފަހުން މަސައްކަތް ކޮށްފައިވަނީ ރަންބީރް ކަޕޫރުއާއި އެކުގައި ލަވް ރާންޖަންގައެވެ. މި ފިލްމު އަދި ރިލީސް ކޮށްފައެއް ނުވެއެވެ.
