ޑްރާމާ ސިލްސިލާ ތަކުން މަޝްހޫރު ކަން ހޯދާފައިވާ ތަރި މޯނީ ރޯއީގެ  ކައިވެންޏާ ބެހޭ ގޮތުން ވަރަށް ގިނަ ވާހަކަ ތަކެއް ދަނީ ދެކެވެމުންނެވެ. އެގޮތުން ދުބާއީގައި ދިރިއުޅޭ އޭނާގެ ލޯބިވެރިޔާ ސޫރަޖް ނަމްބިއާ އާ ކައިވެނި ކުރަން އުޅޭ ވާހަކަ ވަރަށް ގިނައިން ދަނީ ދެކެވެމުންނެވެ. އެހެންނަމަވެސް މި ވާހަކާގައި ވަނީ ކިހާވަރެއްގެ ހަގީގަތެއް ކަމެއް އަދި އެނގިފައެއް ނުވެއެވެ.

މި ދެމީހުންގެ ލޯބީގެ ގުޅުން އޮފިޝަލް ކޮށްފައިވަނީ މޯނީ، ސޫރަޖްގެ އާއިލާއާ އެކުގައި ނަގާފައިވާ ފޮޓޯއެއް ހިއްސާ ކުރުމާ އެކުގައި ކަމަށް ގިނަ ބެލުންތެރިން ގަބޫލުކުރެ އެވެ. އެގޮތުން މި ފޮޓޯ ހިއްސާ ކުރަމުން ސޫރަޖްގެ މަންމަ އާއި ބައްޕައަށް މޯނީވެސް ކިޔާފައިވަނީ މަންމަ އަދި ބައްޕަ އެވެ.

 

View this post on Instagram

 

A post shared by mon (@imouniroy)

ޓައިމްސް އޮފް އިންޑިއާއިން ބުނާ ގޮތުގައި މިދެމީހުންގެ އާއިލާއިން ވަނީ ބައްދަލުކޮށްފަ އެވެ. އަދި  ދެ ފަރާތުގެ ދެމެދުގައި ދެކެވުނު މައިގަނޑު ވާހަކައަކީ މޯނީ އާއި ސޫރަޖްގެ ކައިވެނީގެ ވާހަކައެވެ. މި ބައްދަލުވުމުގައި މޯނީގެ ބޭބެވެސް ބައިވެރިވެފައިވެ އެވެ.

މަންދިރާ ބޭދީގެ ރެސިޑެންސްގައި ބޭއްވި އާއިލީ މި ބައްދަލުވުން ނިމިގެން ގޮސްފައިވަނީ ވަރަށް އަމާން އޮމާންކޮށް އުފާވެރިކޮށް ކަމަށް އެ ނޫހުން ވަނީ ބުނެފައިއެވެ. މަންދިރާ އަކީ މޯނީގެ އެންމެ ގާތް އެކުވެރިޔާ އެވެ. މި ދެމީހުން ވަނީ ވަރަށް ފަހުން ރާއްޖޭގައި ކުރު ޗުއްޓީއެެއް ވެސް ހޭދަކޮށްފަ އެވެ.

 

View this post on Instagram

 

A post shared by Mandira Bedi (@mandirabedi)

ސޫރަޖްގެ އާއިލާއާއި މޯނީއާ އޮންނަނީ ވަރަށް ގާތް ގުޅުމެކެވެ. އެގޮތުން މޯނީ ވަރަށްގިނައިން ދުބާއީއަށް ގޮސް އުޅެއެވެ. ލޮކް ޑައުންގެ ސަބަބުން ދަތުރުކުރުން މެދު ކަނޑާލުމުގެ ސަބަބުން މޯނީ ދުބާއީގައި ގިނަ ދުވަސްތަކެއް ވަނީ ހޭދަކޮށްފަ އެވެ. އޭރު އޭނާ ބުނެފައިވަނީ ދުބާއީގައި ރައްޓެއްސެއް ކައިރީގައި ހުރީކަމަށެވެ.

މި ދެ ލޯބިވެރިންގެ ކައިވެންޏާ ބެހޭގޮތުން އިވެމުން މިދާ ވާހަކަ ތަކަކީ ތެދު ނުވަތަ ދޮގުތޯ ބެލުމަށް ކުރެވޭނެ ހަމައެކަނި ކަމަކީ އިންތިޒަރު ކުރުމެވެ.