ކުދި ވިޔަފާރިތަކުން އުފައްދާ ދިވެހި އުފެއްދުންތައް ވިއްކުމަށް ބީސީސީން ހިންގާ "އޮތެންޓިކް މޯލްޑިވްސް"ގެ ފިހާރައެއް މާލޭގައި ހުޅުވައިފި އެވެ.
"އޮތެންޓިކް މޯލްޑިވްސް"ގެ ފިހާރައެއް ފުރަތަމަ ހުޅުވީ ވެލާނާ އިންޓަނޭޝަނަލް އެއަރޕޯޓުގައެވެ. އެއަށްފަހު ހުޅުމާލޭގައި "އޮތެންޓިކް މޯލްޑިވްސް"ގެ ފިހާރައެއް ބިޒްނަސް ސެންޓަރ ކޯޕަރޭޝަނުން ވަނީ ހުޅުވާފައެވެ. މާލޭގައި މި ފިހާރަ ހުޅުވާފައި ވަނީ އޯކިޑް މަގުގައެވެ.
ރޭ ބޭއްވި ރަސްމިއްޔާތެއްގައި މި ފިހާރަ ހުޅުއްވައިދެއްވީ ޖަޕާނުން ރާއްޖެ އަށް ކަނޑައަޅާފައި ހުންނަ ސަފީރު ކެއިކޯ ޔަނާ އެވެ. މި ރަސްމިއްޔާތުގައި އިކޮނޮމިކް މިނިސްޓްރީ އާއި ބީސީސީގެ އިސް އޮފިޝަލުން ވެސް ބައިވެރިވެ ވަޑައިގެންނެވިއެވެ.
ބީސީސީން ބުނީ "އޮތެންޓިކް މޯލްޑިވްސް" ފިހާރަތަކުގެ ސަބަބުން ދިވެހިން ސުފައްދާ ތަކެތި ރާއްޖެއާއި ރާއްޖޭން ބޭރުގެ މާކެޓުތަކަށް ވިއްކުމުގެ މަގުފަހިވެ، އެފަދަ އުފެއްދުންތަކުގެ ފެންވަރު ރަނގަޅުކުރުމަށް ފުރުސަތު އިތުރުވެގެންދާކަމަށެވެ.
Authentic Maldives Male' outlet was officially opened tonight at 2030 hours. The store is a significant cog in a larger machine of kickstarting and developing local entrepreneurs & businesses into sustainable and profitable ventures.@Authentic_MV pic.twitter.com/gdpG427oNe
— Business Center Corporation (@BCC_mv) March 13, 2021
ކުދި ވިޔަފާރި އާއި މެދުފަންތީގެ ވިޔަފާރިތައް ކުރިއަރުވައި އެފަދަ ވިޔަފާރިތަކަށް އެހީވުމަށް ގިނަ މަސައްކަތްތަކެއް ކުރަމުން ގެންދާ ބީސީސީން މި ފިހާރަތައް މެދުވެރިކޮށް ދިވެހި އުފެއްދުންތަށް އުފައްދާ ވަކިވަކި ފަރުދުންގެ އުފެއްދުންތަށްވެސް އެތަކެތީގެ ހަމަ އަގުގައި މާކެޓްކޮށްދެއެވެ. އެގޮތުން ވެލާނާ އިންޓަނޭޝަނަލް އެއާޕޯޓުގެ ޑިއުޓީ ފްރީގައި ހުޅުވާފައިވާ ފިހާރައިގައި މިހާތަނަށް 60 އަށްވުރެ ގިނަ ދިވެހިންގެ އުފެއްދުންތައް އަންނަނީ ވިއްކަމުންނެވެ. އަދި ހުޅުމާލޭގައި ހުޅުވި ފިހާރައިގައި 50 އަށްވުރެ ގިނަ މީހުންގެ އުފެއްދުންތަކަށް މިހާރުވެސް ގެންދަނީ މާކެޓް ކުރަމުންނެވެ.
"އޮތެންޓިކް މޯލްޑިވްސް"ގެ ފިހާރަތަކުން ވިއްކާނީ ދިވެހިންގެ ހުނަރުވެރިކަމާއި އުފެއްދުންތެރިކަން ދައްކުވައިދޭ ތަކެއްޗެވެ. މީގެ ތެރޭގައި ދިވެހިންގެ ކުރެހުންތަކާއި އަތްތެރި މަސައްކަތްތައް ހިމެނެ އެވެ.
އަދި މާލޭގައި ހުޅުވި ފިހާރާގައި ފަރުނީޗަރު ހަދާ މީހުންނަށް އެތަކެތި ޝޮކޭސް ކުރުމަށް "ޝޯރޫމް ކޯނާ"އެއް ވެސް ވަނީ ހަދައިފަ އެވެ.
ކޮމެންޓު ފޮނުވާ