ޖޮނީ ލިވާ އޭނާގެ ދެ ދަރިން ޖެމީ ލިވާ އާއި ޖެސީ ލިވާއާއި އާއިކުގައި ނަށާ ވީޑިއޯއަކަށް ސޯޝަލް މީޑިއާގައި ވަނީ ބޮޑު ސަމާލުކަމެއް ލިބިފަ އެވެ. ބޮލީވުޑްގެ ކޮމެޑީގެ ރަސްގެފާނު ޖޮނީ ލިވާ، ކޮރޯނާގެ ބަލިމަޑުކަމުގައި ގައިދުރުކަމަށް ސަމާލުވުމަށް ނެށުމަކުން ބުނެދޭ މި ވީޑިއޯ ވެގެން ގޮސްފައިވަނީ ވަރަށް މަޖާ ވީޑިއޯ އަކަށެވެ.
މި ވީޑިއޯ ހިއްސާ ކުރަމުން ކެޕްޝަންއެއްގެ ގޮތުގައި ޖަހާފައި ވަނީ "ވެކްސިންޖަހާ ރަށްކާތެރިކަން ހޯދުމުގެ ކުރިން ގައިގާ އަތްނުލާ" މިހެންނެވެ. މި ވީޑިއޯއިން މި މީހުން ނަށަމުން ގެންދަނީ އޭ ސްޓާގެ "ޑޯންޓް ޓަޗްމީ" އަށެވެ. އަދި މި ވީޑިއޯ ޖޮނީގެ އިތުރުން ޖެމީ އާއި ޖެސީ ވެސް އިންސްޓްގްރާމުގައި ހިއްސާކޮށްފައި ވެއެވެ.
މީގެ ހަތަރުވަރަކަށް ދުވަސް ކުރިން ހިއްސާކޮށްފައިވާ މި ވީޑިއޯއަށް ޖޮނީގެ އެކައުންޓުން 3 ލައްކައަށްވުރެ ގިނަ އަދި ޖެމީގެ އެކައުންޓުން 2 ލައްކައަށް ވުރެ ގިނަ ލައިކް ވަނީ ލިބިފައެވެ. ވީޑިއޯއަށް ކޮމެންޓްކޮށްފައިވާ ބައެއް މީހުން ބުނެފައިވާ ގޮތުގައި މި ވީޑީއޯ އަކީ އެމީހުންނަށް ފެނުނު އެންމެ "ބެސްޓު" ވީޑީއޯ ކަމަށެވެ.
View this post on Instagram
ބޮލީވުޑްގެ އެތަކެއްގިނަ ފިލްމުތަކެއްގައި ޖޮނީ ލިވާ ހެއްވާ މަޖާ ބައިތަކަކުން ވަނީ ފެނިގެން ގޮސްފައެވެ. އަދި ބޮލީވުޑްގައި ނަންހިނގާ މަޝްހުރު އެތައް ތަރިންނާއި އެކުގައި ޖޮނީ މިހާތަނަށް ވަނީ މަސައްކަތްކޮށްފަ އެވެ.
