މަޝްހޫރު ލަވަކިއުންތެރިޔާ ޝްރެއާ ގޯޝަލް އަލަތު ދަރިފުޅަށް ބަލިވެއިންކަން ބުރާސްފަތި ދުވަހު ވަނީ ހިއްސާކޮށްފައެވެ. ހަ އަހަރުގެ ކައިވެންޏަށްފަހު ޝްރެއާ މަންމައަކަށްވާން އުޅޭކަމުގެ އުފާވެރި ޚަބަރު ފޭނުންނާ ހިއްސާކުރީ ސޯޝަލް މީޑިއާއިންނެވެ.
މި ޚަބަރާއި އެކުގައި ޝްރެއާވަނީ އޭނާގެ އަމިއްލަ ފޮޓޯއެއް ހިއްސާކޮށްފައެވެ. ނޫކުލައިގެ ހެދުމެއްގައި ހުރި ޝްރެއާ ވަނީ އުފަލުން ފުރިފަައެވެ. އަދި މި ފޮޓޯ ހިއްސާކުރަމުން ޝްރެއާ ބުނެފައިވަނީ އޭނާގެ ފިރިމީހާއަށް މި ޚަބަރު ލިބުމުން ވަރަށް އުފާވެފައިވާކަމަށް ބުނެފައިއެވެ. އަދި އެންމެގެ ހިތްވަރާއި ލޯބި ބޭނުންވާކަމަށް ޝްރެއާ ވަނީ ބުނެފައިއެވެ.
Baby #Shreyaditya is on its way!@shiladitya and me are thrilled to share this news with you all. Need all your love and blessings as we prepare ourselves for this new chapter in our lives. pic.twitter.com/oZ6c6fnR6Z
— Shreya Ghoshal (@shreyaghoshal) March 4, 2021
ލަވައާއި މިއުސިކްގެ ދާއިރާއަށް ބަލައިލާއިރު މިދިޔަ ބުދަ ދުވަހުގައި ލަވަ ކިޔުންތެރިޔާ ހަރްޝްދީޕް ކޯރް އަދި އޭނާގެ ފިރިމީހާ މަންކީތް ސިންގ ވަނީ އެދެމީހުންގެ އަލަތު ދަރިފުޅަށް މަރުހަބާ ކިޔާފައެވެ. މީގެ އިތުރުން ލަވަ ކިޔުންތެރިޔާ ނީތީ މޯހަންވެސް ވަނީ މަންމައަކަށް ވާން އުޅޭކަމުގެ ވާހަކަ މިދިޔަ މަހު އިންސްޓްގަރާމް މެދުވެރިކޮށް ބެލުންތެރިންނާއި ހިއްސާކޮށްފަ އެވެ.
މި ފުރަބަންދުގެ ތެރޭގައިވެސް ޝްރެއާވަނީ ވަރަށް ބުރަކޮށް މިއުޒިކް ހެދުމުގައި މަސައްކަތް ކޮށްފަ އެވެ. މިއީ އޭނާ އަދި އޭނާގެ ބޭބެ އެއްކޮށް މަސައްކަތް ކުރާ ޕޮރޮޖެކްޓެކެވެ. ޝްރެއާ ބުނެފައިވަނީ މި ފުރަބަންދުގައި އޭނާއަށް ވަރަށް ގިނަ ވަގުތު ލިބިފައިވާ ކަމަށާއި ވަރަށް ގިނަ ކަންކަމާމެދު ވިސްނުމަށް ފުރުސަތު ލިބިފައިވާކަމަށެވެ. އަދި އޭނާ ބޭނުންވަނީ އޭނާގެ މިއުޒިކް ކުރިއަށް އޮތް ޖީލުތަކަށް ފޯރުކޮށްދިނުމަށް ކަމަށްވެސް ޝްރެއާ ވަނީ ބުނެފައެވެ.
