ކާތިކް އާރިޔަންގެ ކުރިއަށް އޮތް ފިލްމު "ދަމާކާ"ގެ ޓީޒާ އާންމުކޮށްފި އެވެ. މި ފިލްމުން ކާތިކް ފެނިގެން ދަނީ ދިރިއުޅުމުގައި ކުރިމަތިވެފައި ކަންތައްތަކާއި ގުޅިގެން ވަރަށް ބިރުވެރި އަދި އެހާމެ ފުން ނިންމުންތަކެއް ނިންމަން ޖެހިފައިވާ ނިއުސް އެންކަރއެއްގެ ގޮތުގައެވެ.
ފުރަތަމަ އާންމުކުރި ކުރު ޓީޒާއިން ފެނިގެން ދަނީ ކާތިކް ނިއުސް ސްޓޫޑިއޯއެއްގެ ތެރެއިންނެވެ. ހިތްނުތަނަވަސްވެފައި ހުއްޓައެވެ. ހަޅޭއްލަވައި ކެމެރާތައް ނިއްވުމަށް ގޮވާ، މޭޒުމައްޗައް ހޮޑޫލައި އަދި އެންމެ ފަހުން ސާބިތުކަމާއިއެކުގައި އޭނާގެ ވާހަކަ ކުރިޔަށް ގެންދިޔުމަށް ތައްޔާރުވި ތަން މި ޓީސާއިން ފެނިގެން ދެއެވެ. މި ފިލްމުގައި ކާތިކްގެ ބޮސްއަކަށް ފެނިގެންދަނީ ގަލީ ބޯއީ އިން ފެނިގެން ދިޔަ އަމްރުތާ ސުބާޝް އެވެ.
"ދަމާކާ" އިން ކާތިކްގެ އިތުރުން މްރުނާލް ތާކުރް، ވިކާސް ކުމާރް އަދި ވިޝްވަޖީތު ޕްރަދަން ފެނިގެން ދެއެވެ. ނެޓް ފްލިކްސްގެ މި ފިލްމު ޑައިރެކްޓު ކޮށްފައިވަނީ ރާމް މަދްވާނީ އެވެ.
Main hoon #ArjunPathak
Jo bhi Kahunga Sach Kahunga ??#Dhamaka ?
Coming soon, only on Netflix ?@AmrutaSubhash @strictlyvikas @vishwajeetpradhan @RamKMadhvani @RonnieScrewvala @amita_madhvani @RSVPMovies @OfficialRMFilms @NetflixIndia pic.twitter.com/T6otI4TzHu— Kartik Aaryan (@TheAaryanKartik) March 2, 2021
މި ފިލްމާ ބެހޭ ގޮތުން ކާތިކް ބުނެފައިވަނީ މި ފިލްމަކީ ވަރަށް އެކްސައިޓިންގ އަދި ތަފާތު ފިލްމެއް ކަމަށެވެ. އަދި ފިލްމުގައި މަސައައްކަތް ކުރަމުން އޭނާއާއި ބެހޭގޮތުން އާ ކަންތައްތަކެއް ވެސް އަމިއްލައަށް ދަސްވެފައިވާ ކަމަށް ވަނީ ބުނެފައެވެ. އަދި ފިލްމު ބެލުންތެރިންނާއި ހަމައަށް އައިސް ބެލުންތެރިން މި މަސައްކަތް ބަލައިގަންނާނެ ގޮތަކާމެދު އިންތިޒާރުކުރާކަމަށްވެސް އޭނާ ވަނީ ބުނެފައެވެ.
ފިލްމު "ދަމާކާ"ގެ ޝޫޓިން ފަށާފައިވަނީ ޑިސެމްބަރ މަހުގެ 14 ވަނަދުވަހުއެވެ. އަދި ޝޫޓިންގް ފެށިގޮތަށް ކާތިކްވަނީ ފިލްމުގައި ނަގަންޖެހޭ މަންޒަރުތަށް އެންމެ 10 ދުވަސްތެރޭ ނަގާ ނިންމާލާފައެވެ.
